ضــلع اعــوج

إخواني اعضاء منتديات شبكة المرقاب الأدبية , أسعد الله مسائكم بكل خير ,

يسعدني أن اعود من جديد بفضل الله سبحانه ثم الأخ الشاعر معيض العتيبي الانسان الخلوق
وهذا المنتدى من أجمل المنتديات من حيث الطرح والشعراء ويشرفني تواجدي من جديد بينكم ,

اتمنى ان تحوز على رضاكم
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مدري وش الي ناقصك يوم انك تطلبني الكثير=ماباقي الا روحـي وروحـي بحكمـة ربهـا

عطيت مالا ينعطى صيّرت لك مـالا يصيـر=اليـن صـرت افـوّح دلال الغـلا واصبهـا

تقهو ماهاجت جموع الموج في البحر الغزيـر=والا انت علة جوف لا تقـرا ولا يكتـب بهـا

يومني اخفض لك جناح الذل خايف لا تطيـر=والحيـن جنحانـك نسانيـس الشمـال تهبهـا

رح جعل ما يبقى لعمري معك عادي او مثيـر=روّح وانـا فرقـاك لا امدحهـا ولا باسبهـا

البارحه دمعه ولاهـب حرهـا مثـل السعيـر=البارحـه حزنـي مشـرّق روحـي مغرّبهـا

عرفت وش معنى القسى والضيم وسموم الهجير=جمره وتشتب القهـر مـدري القهـر يشتبهـا

طاحت على ثوبي واثرها فوق جيبي مستديـر=والمشكله غاصت بصدري والضلـوع تشبهـا

ان مت من حبك بيقولون العرب مـات الفقيـر=وان عشت في ظلمك بيقولون الضعيف يحبهـا

قللي شلون اسلم وانا متجـود حبـال المصيـر=واخـاف لا حـزّت بيدينـي تجـي وتجبهـا

قللي شلون اعقل واوسع بال وارجي منك خيـر=وسكين ظلمك فوق صـدري وبيـدك تكتبهـا

قللي يا ضلع اعوج ياناقص عقل يا مكفّر عشير=ليه اتعمّد جرح نفسـي وانـت تعـرف طبهـا

لو ان قلبك مثل جسمك ابيض ومثـل الحريـر=ماكان يمنعني من اكـل الخـوخ قاسـي لبهـا

وشلون تبغى حب مني ابكـم آصـم وضريـر=والحب منك مبصـر وروس الحـزوم يذبهـا

شللي جعلني يا صغير اصير قدامـك صغيـر=شللـي مخلينـي اجيلـك لعبـةً تلعـب بهـا

مدري ولكن يمكن انك غير وانا اشوف غيـر=كنـز بجزيـره ماحـدً قبلـي برجلـه طبهـا

نظرة عيونك لو سلم منها الخفـوق المستذيـر=شـايسلمّه مـن حبـةً خالـك بخـدك حبهـا

واليد مليانه تـرف والسـاق يهـواه المسيـر=والـردف مخلـوقً لحالـه نبـتـه وينبـهـا

والصدر ضلعينًً ويجري بينهم عـذب الغديـر=وبامـوت ماخلتنـي اكـل تينهـا واشربـهـا

لو شعرها يوم انفحت ماعلـم الـورد العبيـر=كان المحـب ان شـم لـه ورده بيـده ايذبهـا

الزبده ان الي صغير بوصفه بوصفـك كبيـر=يالـذّة الدنيـا تعبـت اركـض لهـا واخبهـا

انا خسرتك وادري انك شخص معدوم الضمير=هلاك في صـورة مـلاك العقـل مايعجبهـا

خلاص لا تبكي على شاني ولا تسـأل شويـر=كاسـة غـلا عبيتهـا والحيـن انـا باكبهـا

تبي تلبي لي احتياجـي روّح ومكثـور خيـر=وان سلّمت روحك فهي تحت تصرف ربهـا [/POEM]