صوت وصدى سعود المحجان واحمد الخياط

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]

هاض الفكر واليوم بالراس ملفـاه"
"من عند رب الكون منشى السحايب


ماضاق صدري يوم بالراس ملقـاه"
"يقواه مثلـي مولـع القلـب ذايـب


اقفى شروق الشمس واقفى مسيـاه"
"وانا مع القيفـان حاضـر وغايـب


واسمر مع الهوجاس بالصح واخطاه"
"يطرب لها الهوجاس بعـد وقرايـب


واخـذ جزيـلات المعانـي مقفـاه"
"واترك هزلها مـع غزلهـا ترايـب


هـذا رقـا بالعـز والعـز ممشـاه"
"يمشي مع العليـا ونـوخ ركايـب


وليا غـدا ليـل المشاريـف تلقـاه"
"حر(ن) يقايش كاسـرات الصلايـب


افرح ليا شفت الزحازيـح تنصـاه"
"احمد ولد حجي صليـف الحرايـب


نسل الرجـال الطيبيـن المسمـاه"
"حرار القوم يـوم وقـت الطلايـب


تاسع ثمان المجـد يكفـي محيـاه"
"والعاشره بالطيب سـاق الوهايـب


رد الشاعر احمد الخياط


يا مرحبا ترحيـب وافـي كتبنـاه
لسعود ابن محجان والكيف طايب
ماطاب من قافك على الكيف حيّاه
شرارتن للقاف صـارت سبايـب
سعود في معنـاه وادري ابمعنـاه
والمقفيه صارت عليهـم عقايـب
الذيب يعرف وين صيده ومسـراه
من مات نركز فوق قبره نصايـب
والكل له يا سعود غايه ومشهـاه
والناس راحت بين مخطي وصايب
اهل المرض نقرى عليها ونمحـاه
راع الـردى ظنـه رديٍ وخايـب
الطيب ما كلٍ من النـاس iiيقـواه
والمرجله وهبه ولا هـي نهايـب
ولا رجال العز والطيـب والجـاه
حلالة المشكـل بيـوم المصايـب
الحـر مخلابـه لياجـاع عشّـاه
والبوم يصفر في ديـار الخرايـب
والعاشره بالعاشـره قاطـرٍ iiمـاه
يوم الليالي بين صامـل وهايـب
مع مثلها بالسيف والرمح تقفـاه
ساس الردى ماله علاج وطبايـب
الحنظله محصودها صـار مجنـاه
وابليس لو تنهـاه ماهـو بتايـب
ولا سليم الراي شـرواك محـلاه
مثل الجبل ثابت بوجـه الهبايـب
احدى عشر واثنى عشرهن بمرساه
عجوزها تحكـم ثمانيـن شايـب






[/poet]