قل العافيه

السلام عليكم ورحمة الله وبركاته




بعد هذا الانقطاع عن الشعبي ،، أرجو تقبّلها ومرورها أمام ذوائقكم






( سعود بن محمد الهاجري ) شايب من الجماعة وصوته في ( شيلة المنكوس ) شجي ويتقنه ما شاء الله عليه ، ومن المهتمّين باقتناء أجهزة المناداة المستخدمة في البر ، ومعروف في أجهزة المناداة بلقب ( الجريح ) .








[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]كل ما طوّحت بالصّوت يا سعود الجريح = طوّحت بي علّةٍ(ن) في ضميري خافيه

واهني اللّي من الهم قلبه مستريح = ما شكا قِل المواصل .. وقِل العافيه

والاّ أنا ياوجد حالي عقب فرقا المليح = وجد قرمٍ(ن) خيرة ابناه .. ظوّه طافيه

حافظٍ(ن) عهده .. وسدّه فلا والله يبيح = لين قبري فوق حيده ..تهبّ السّافيه

ويا عذول أهل المحبّه إذا تبغى الصّحيح = حيّ عشق اللّي هواهم بنيّه صافيه

ما اعرفوا حب المصالح وعثرات المِطيح = في ظروفٍ(ن) خلّت الحب سِمعه هافيه

كل ما هبّت من الشّرق والاّ الغرب ريح = يمّمت بي صوب دارٍ(ن) لخلّي ظافيه

اشهد إن الهم .. والوقت .. والحظ الشحيح = لاوزن في جوف رجلٍ(ن) .. لموته كافيه[/POEM]






وسلامتكم







أخـ ( ناصر بن راشد الهاجري ) ـوكـم