القلب ( المشاركة الثانية )

[poet font="Simplified Arabic,3,black,bold,normal" bkcolor="transparent" bkimage="backgrounds/7.gif" border="double,4,gray" type=0 line=200% align=center use=ex length=0 char="" num="0,black" filter=""]
القلب


القلب لو حطبه قمــــــــــري
.................... يطير من هول وجداني
يمسني البرد من صغـــــري
.................... والنار تكبر على شاني
مرات أنا أقول يا كبـــــري
.................... ومرات ما أصدق ألقاني
يا طول صبري على صبـري
.................... ولاني على الدرب وحداني
ما حدني للردى فقــــــــري
.................... ولا جيت من حرّته عاني
في ذمتي لو نقص قــــدري
.................... لآصب قاصي على داني
ليت المطر بس لو يطـــــــري
.................... وأزرعبه حقول رماني
والشمس يا لونها الخـــدري
.................... لو تشرق بطارف أرداني
وتصبّح الورد في عطـــري
.................... وتمسّي النور بأحزاني
يا مطوّل الليل لا تســـــري
.................... تو السهر فيك ودّاني
ما عاد فينـــــي ولا أدري
.................... هو فيني الشوق أو جاني
يا مدوّرٍ للدفا جمـــــــــري
.................... لا يفرحك وجه نيراني
والصاحب اللي على خبري
.................... يومٍ تضايقت خلاّني
يا حرقلبي على عـــــذري
.................... جيت وتعذرت ما أمداني
ما يبري البعد ما يبـــــري
.................... لو يبري البعد أبراني
هذاك صدره وبه وكــــري
.................... أبطى وحناياه تضماني
نذره غلايه وأنا نـــــذري
.................... اني أحبه على ماني
يا خمسة سنين من عمري
.................... هي جمعت كل خلاني
ياهيه ... لا تنفخ بصـــــدري
.................... ما عاد هالشعق يقداني
ما عاد فيني ولا أدري
.................... هو فيني الشوق أو جاني

[/poet]


لكم الحب ,,,,,,,,,

أخوكم / عبدالله مرّان