ناسٍ تبي عرشٍ مثل عرش بلقيس/وناسٍ تبي لو يوم فرقا التعاسه

بسم الله الرحمن الرحيم

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحه ليلي هموم و كوابيس = وأبعد من الجوزا علي الوناسه

نفسي وأنا والليل والهم وابليس = كلٍ على الثاني يبيله رياسه

مدري ظروف الحب و لا هواجيس = أو الثلاثه كلهن فوق راسه

أو (ن) عقلي صايرن فيه تنكيس = وللعقل في بعض الأمور انتكاسه

يا لايمي لاتلومني قبل ماتقيس = اللوم للمهموم يزود قياسه

والشر طبعن للرجال الهلابيس = أهل الهدف والنمنمه والبلاسه

وأنا معي عقل ومشاعر واحاسيس = وعيون وأخلاقن وقلب وشراسه

لكن حصلي من زماني عواكيس = وعجزت تالي الوقت لعرف لناسه

هذا يموها بهرجن تباليس = وهذا يتجاهلها عناد و خساسه

وهذا يغرك مظهره بلملابيس = وهذاك البس منه شماغ ولباسه

وهذا تذعذعله هبوب النسانيس = وهذاك تقل مغمغمله بطاسه

وللناس بالدنيا حظوظ وقواميس = اللي يغرف بدرام واللي بكاسه

وليا حصلك من زمانك تعاميس = اصبر وللصبر الجميل انعكاسه

ودرسك دنياك من غير تدريس = ماهو لزوم أنك تدرس دراسه

وناسن على ناسن تجند جواسيس = لجل الطمع والسيطره والنجاسه

وناسن تهجس من غثا الوقت تهجيس = وناسن على ناسن تجيد السياسه

وناسن تبي عرشن مثل عرش بلقيس = وناسن تبي لو يوم فرقا التعاسه

والتيس مثل العنز كانه خفى التيس = والتيس ماهو تيس لولا التياسه [/POEM]

وسلامتكم

قصيدة البحر الميت الشاعر الكبير عبدالله بن باتل الرشيدي أطال الله بعمره

((وكل انسانٍ يقطف ثمار الحكمه من أغصان التجربه على أرض الزمان))