ثوبها في مشغل اهلن ماستلمته (مصافحه اولى)

اخواني واخواتي اعضاء وزوار منتدى المرقاب الشامخ مشاركتي الاولى معكم مداعبه مع اخي العزيز الشاعر شديد الرياحي وبما انها الاخيره احببت ان تكون مصافحتي الاولى هنا لكن استلمووووو والسموحه
[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]راكب اللي كل شيٍ فيه فاره= من صطبه خلف لاضافي رثمته
ماقناه الاحشيمن باعتباره= من كبار القوم عاليةٍ وهمته
فيكسارن يوم تنطق فيكساره = اسمه يكّفيك عن باقي فخمته
اخر التصدير في رسمه شطاره = لوبوصف في تواصيفه ظلمته
مرتكز تمثالته جندي خفاره = شايفنله ضابطن تلمع اوسمته
وانتصبله والتحيه بالاشاره = مايداري بيصطاره من حدمته
وكن سبيره فيه مجفي الغضاره = في مضوفة شيخٍ بسندا قلمته
ان نطحك تلد يمه من وقاره = وان وقف عندك اليا وقف عزمته
وان مشاله مع وعر يشهي مساره = وان سفط في فّية البيت احترمته
رح لابو فهد نبى منه استشاره = ودي ابدي شي(ن) بصدري كتمته
يوم ولّع في عروق القلب ناره = قلت هات الطرس باكتب مانضمته
ثوبي ابنق ماتعلى من زراره = وافهق الغتره دماغي زاد حمته
قلبي اللي تله ضبي الزباره = ياوجودي كان معلوقي عدمته
جت تخطى العصر من باب العماره = ترمق بعينن هدبها ماعتلمته
معها ورعن صلف تمشي عن يساره = كل مايقفي يبا يبعد زهمته
قلت بالله ووقفت نصف استداره = وجاوبتني في اسلوبن مافهمته
وراحت تجر الغيا كبر وجساره = وتضفي الطرحه على بدرٍ طخمته
نوره منّور تحت طرقة خماره = لو يحد بمملكه من مال سمته
رجعتني للهوا لارحم داره = وانا قلبي عن مشاويره فطمته
قلت ياورع اوقف وجلان كاره = وقمت اقرب منه لين اني لزمته
قلت منهي ذّي قال اختي نواره = ثوبها في مشغل اهلن ماستلمته
قلت طيب وانتم من ايّات حاره = ووقفت للورع وجله ثم نهمته
والورع ماهو صري بلا قشاره = تل كفه مني فارقني ثرمته
وقمت اسوج وبان في وجهي غياره = كل مامريت لي بابٍ لكمته
وقام يقبس في معاليقي حراره = مانفعني طب دكتورٍ لهمته[/POEM]
اخوكم بجاد ابن عبيد ابن هباس البقمي