عليك باللي تشوفه عينك وتقتنع

السلام عليكم

احبتي في منتدى المرقاب نعود اليكم بعد طول الغياب

وانشاءالله لن تتكرر هذي الغييبه

وهذي اول مشاركه لي بعد انقطاعي انشاءلله تنال على ذائقة قارئها

[POEM="font="Simplified Arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]عليك باللي تشوفه عينك وتقتنع=لاصار وقتك على الراحه وامرك سعه

ولاصار عقلك مشتت بين طرحٍ وجمع=الشور عند الرجال الطيبه تسمعه

وانا اللي حظي يخون ولا في حظي سنع=ازريت احايل زمان الحظ ولاينفعه

والحظ كنه امير ويومي خادم تبع=ماخالفه والاشاره في رهان اصبعه

تعبت يميني وسيفي للعلا ماقطع=ارفع يميني وثقل السيف ماترفعه

الله واكبر على الدنيا وبعض الخدع=وانا زماني ليا منه خدع ماخدعه

واللي زرع مايحصد الا من اللي زرع=وانا زرعت وزماني في يديه اجمعه

مشًره على وقتي الماضي ولوًه سمع=وشلون ابشره على وقتٍ مضى واقنعه

اشره على من نفعته يوم جاء مندفع=اللي ابتلا بالزمن والشر عنه ادفعه

واليوم لامن نخيته صد ولا لي فزع=واشره على من سلام الله لي يقطعه

والكلمه اللي بوسط الجوف ماتنبلع=والظربه اللي تجي من صاحبي موجعه

والحر لوًه يعوف الارض طار وجزع=والعيب مني وفيني من زهم مامنعه

اضيق لامن سمعت اللي زهم ومتنع=أجيه كلي وباب الرزق ماأوسعه

واشوم لامن لقيت اللي حياته دلع=اللي سلوم البداوه تقلعه تقلعه

طبعي كذا والعفو طبعي واحب الطبع=والاقنعه للوفا مافادة الاقنعه

والوقت وقت المصالح مدري وقت الطمع=وانا قنوع ابحياتي والطمع ماطمعه

ولو افرض ان الزمن قال اقتنع ماقنع=ولو ماقنع ماقنع غصبٍ علي اتبعه[/POEM]