مصافحه أولى ...أمور محزنه

السلام عليكم ورحمة الله وبركاته

كل عام وانتم بخير يا أهل المرقـاب إداره وأعضاء وزوار

تقبلوا هذي المصافحه الاولى ,, والقادم أفضل بإذنه تعالى

_

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]نطلبك يارحمان ياقيوم ياغافر لاحول=ولاقوة إلا بك وتهدينا طريق الميمنه
يالله تكتب لأمة الإسلام عزً لا يزول=وهيبة عظيمه وأنزل الكفار ذل ومسكنه
في بداية العام الجديد أهني الأمه وأقول=يالله عسى هذي السنة ماهي مثل ماضٍ السنة
ماضٍ السنة فيها مصايب للعرب عرض ً وطول=وفيها علينا أمة الإسلام أمورً محزنه
أكبر جريمة ماتهاونا بها شتم الرسول=أزكى صلاة الله عليه اللي تعلمنا منه
الدين كله والكرامة والمعزة والوصول=وحقوق الإنسان تحفظها كل نفسً مؤمنه
ولايجيك الشر دايم غير من روس الخبول=أشباه بابا الفاتيكان وحزبه الله يلعنه
ولا كلاب الدنمارك اللي يدقون الطبول=شلة ورى شلة بخيبتهم طوال الألسنة
نفداك ياسيد البشر بأرواحنا قول وفعول=لابو الحياة إن كان سيد الخلق ماذدنا عنه
بقيادة اللي دون عز الدين مايقبل حلول=يعيش أبو متعب زعيم وعزته من معدنه
مليكنا حامي حماة الدين شيال الحمول=وولي عهده كل علم يصير صوبه يضمنه
والحمد لله كل قادتنا حكيمين العقول=ضد اليهود اللي عداوتهم للأمة مزمنه
وأهل الخيانة شلة الإرهاب لو صاروا فلول=أما انتهوا بالطيب ننهي وضعهم بالملعنه
الكل منهم خادم أهل الشر والفكر مغسول=لو يدعّي بالدين يخسى اللي يخرب موطنه
وأكثر شعوب الشرق الأوسط في مواقفهم ميول=وأميركا تفرض على جل الشعوب الهيمنه
وإعدام صدام العراقي يوم عيد النحر هول=هذا انتهاك لحرمة الأديان فعلاً ما افتنه
والمحكمة تمويه ومجرد ذريعة للعجول=توقيتهم فتنة عدو وفعلهم يامجبنـه
والدولة العبرية اكبر شر وتصول وتجول=مايحترك بوش الأمريكي لين سيره تدهنه
ينظر لها بشموخ ويطالع لنا بعيون حول=لكن حتى بوش خاسي والحصون محصنه
وتصارع الشعب الفلسطيني مثيراً للذهول=عدوهم يمرح وفيهم كل حاجة ممكنه
المشكلة رغم التصارع لا شداد ولا ذلول=المعتدي يطعن بجنبك وانت جنبك تطعنه
والوضع في لبنان والله فيه للأمه خجول=شتات صف بوقت محتاجين فيه الوحدنه
وأهل العراق الله يصلح شأنهم شعب معزول=التفرقه رغم المشاكل والحروب الطاحنه
ومرور من دارفور بالصومال تصفية الإصول=ناهيك عن كابل وقبله كان حرب البوسنه
ماقلتها والله شماته ميّر من همً يصول=الدين والدم السعودي رغم بعد الأمكنه
حنا ترى شعب وقيادة في مواقفنا نطول=واللي يسب الدين نلعن خيّره ونجننه
واللي حفر حفرة لغيره من عدا ولا جهول=في الحفره اللي كان حافرها لغيره ندفنه
من ماضي الايام كم منا رياجيلً زحول=وافعالهم تاريخ من ذيك السنين مدونه
واليوم وقفتنا مع الإسلام تشهدها الفصول=والوقت متقلب على وجهين محداً يأمنـّه
منا الدعاء ياحي ياقيوم ومنك القبول=الله يكفينا المصايب والأمور المحزنه[/POEM]

وسلامتكم ,,