الحب مثلي .!!

السلام عليكم ،،





[POEM="font="Simplified Arabic,4,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عيونك الليل .. والجرح المسافات=من يوم ماغبت .. ودموعي سجينه
ياجرح الأيام يكفيني متاهات=غلبني الشوق وأجبرني حنينه
البارحه مرّت الساعات لحظات=يوم اللقا .. كانت الفرصه ثمينه
جيت اتكلم وخانتني العبارات=بعض المواقيف للموقف رهينه
اغليك لكـّن ماعندي خيارات=شوف الزمن كيف ناظرني بعينه
البعد خلاّ على وجهي علامات=والحب مثلي .. وش اللي في يدينه ؟
تصدق إني نسيت الابتسامات !=ياما تبسّمت والبسمه .. حزينه
عليك من صاحب الشرهات شرهات=وشلون عطرك تغيّر ياسمينه
من صادق الحب فيك ونظم الأبيات=ماعاد ندري وش اللي ماخذينه !
عقبك تخليت عن كل الطموحات=خذلني الحلم .. واقفت بي سنينه[/POEM]