عطوها عنوان ياهل المرقاب

اسعد الله مساكم وذي من الجديد ويشهد الله انكم اول من يسمعها
[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا شحت الحاجه بحاجه وش تصير = يالله دخيل من جنون الروايه
من شب نور الصبح لين انثنى عصير = يضيق فيني الكون قبل الولايه
اما يهوس الجن والا فلا غير = هوست طغا ماهي بهوس العبايه
ياربع قرنٍ راح كله محادير = ماصفق بقعا مثل صفق البنايه
معادلة هتلر على توني بلير = هي جمع والا ظرب ويش الحكايه
ومن فسر القران من غير تفسير = يمكن يجيب العيد قبل الهدايه
ومن لا تحيزم بالليال المعاسير = يلقا الذرى كانه تذرى ورايه
لا عاد تكفخ فالجناحين ياطير = خلك على ارضك لا تجي في سمايه
يالعنباك اركد ترى ماني بخير = رماد جمرك شب فاقصى حشايه
قبل الخطاء احسب حساب المعاذير = وترى ركوب الخيل غير الرمايه
البارحه كثرت علي المشاوير = مدري علاجي كي والا قرايه
واشيب عيني من صدوف المقادير = ومعادلة قبل النهايه بدايه
ومن الخوي اللي يجي منه تقصير = ومن الضلوع اللي بصدري عرايه
ومن العطش ماعاد نشرب من البير = وان ذقت منه شوي قالو وكفايه
يالعنبوكم كيف؟ وشلون؟ مايصير؟ = الوضع مزري والسوالف مزايه
من مجده جساس في طعنة الزير!!! = يلقا الخيانه في الشجاعه دعايه
وأخير منها لا نجرح كل تقدير = ياركعتين الصبح مع كم ايه [/POEM]

وسلامتكم