تقاسيم لـ (( مشعان البراق )) .. !!

:
:


هوى (( شاعر )) .. !!

هاتفني مشعان البراق .. وقال : (( متى تجي )) للشرقيه ..؟؟
قلت : مدري .. فيه شي .. ؟؟
قال : انا والشباب مرتبين اوراقنا وأمورنا بنستغل (( الاجازه )) القصيره هذي
ونبا نزرق لـ (( الكويت )) وناخذ لنا (( يومين فالسالميه )) ونمر الشباب هناك .. !!
قلت : شكلي مايمديني الاجازه بعد بكره ومافيه وقت ..
عصب وقال : يـا (( عبدالرحمن حمد لاتلخبط الاوراق )) والترتيبات ..
وأنا ان كاني غالي عندك مرنا بكره فالدمام .. وخلنا نطلع (( DIRECT )) لـ (( الكويت )) ..
واردف انا طالبك (( قل تم )) ولاتردني .. !!
قلت : (( PLEASE WAIT )) وأسمع مني ..
وبعدين (( غلاك )) انت خابره .. !!
قال : اجل (( ابلع العافيه )) وتعال .. وترا ماني (( مسامحك )) اذا ماجيت ..
وأردف بأمانه يابوحمد (( اشتقت لك )) و (( محتاج أفضفض لك )) بعلوم عندي
قلت : ابشر .. ابشر حديتني على مواثيق (( الصداقه )) مقدر اقول لا .. !!
(( استعنا وأتكلنا )) بكره ان شاء الله جايكم ..
و(( حيل الله اقوى )) وش اسوي بك .. !!
وصلت للدمام وقابلته وبادرني بترحيبه طويله وقال :
مرررررحبا .. مررررررحبا .. (( مرحبا ياللي مقامه )) عالي ..
عندها شكيت ان فيه أأأأنّا ..
أخذ شوي وأبتسم ابتسامه صفراء وقال مافيه لا سلامتك ..
قلت : خير .. !! قال : هووونا عن روحة الكويت .. وقام يضحك .. !!
قلت : يعني لعبت عليّ ..؟؟
قال : تقدر تقول لعبه بسيطه بس ماهي مثل (( امريكا ولعبتها )) .. !!
قلت : والشرر يتطاير من عيني .. اللعب واحد .. !!
امتص غضبي بضحكه وقال الله يرضا لي علاك .. ورضيت . !!
قلت وش العلوم اللي عندك وتبيني فيها ؟؟
قال بعد ان علت محياه مسحه من حزن : العلوم (( علوم ماتسر الصديق )) ..
قلت : أفاااااا .. سلامات .. !!
قال بعد تنهيده وفحّه من قلب : (( علوم الجفيّا )) يابوحمد .. !!
قلت : وش السالفه .. ؟؟
قال : ذبحتني (( جروح العشق والجادل الطرقا )) ..
اللي (( لاعاد تنشد عن الحال )) من بعد لهبت قلبي .. !!
وأردف ابعدتها انا (( برغبتي وأختياري )) ..
ورسمت من تلك اللحظه ملامح (( الغياب المنتظر )) .. !!
قلت : كيف ... ؟؟
قال : لانها ردت عليّ بغطرسه وقالت : (( مانيب في ثوبك زرار تزره )) بعد مانهيتها تسوي شغله ماني راضي عنها ..
استغربت من ردها وقلت : هذي (( مكانتي )) عندك ؟؟
و(( هذا الغرام اللي تقولينه )) ؟؟ سكتت ولا قالت شي .. !!
عندها مدري (( ويش جاني )) ..
وقلت (( الحمد لله )) انها جت على كذا .. !! أودعك ومع السلامه .. !!
وأنقطعت العلاقه .. !!
وفي (( ليلة العيد )) الماضي ارسلت رساله تبي تعيد الود القديم ..
ورديت عليها بجملة (( حنا انتهينا من زمان )) وفضيّها سيره يابنت الناس .. !!
واكتفيت ان تبقى (( تذكار )) ألم فقط في حياتي ..
كتبت الشعر بعدها وصرت (( شاعر زمانه )) اغلب قصائدي فيها ..
و(( أخر تواقيعي )) فالمرقاب لها ..
لاني (( انكرت غيبتها واشتقت لطعونها )) ..
صرت كني (( عابر سبيل )) يعيش (( غربه )) فالحياه ..
لانها كانت بالنسبه لي غير (( العالم الثاني )) ..
ماقدرت انساها .. وكيف انساها وهي معي وأنا عمري (( 15 عام )) .. !!
وفجأه .. فزيت على صوت المنبه ..
وأتلفت ادور مشعان عشان يكمل سالفته لا ما حولي احد ..
وعرفت اني كنت تحت تأثير أضغاث (( الاحلام )) ..
عندها تعوّذت من ابليس وعوّدت ورقدت .. !!




تنبيـه : كل مابين (( الاقواس )) عناوين لمواضيع (( مشعان البراق )) .. !!