سجيت أدوّر مجلسٍ فيه شيبان

السلام عليكم ورحمة الله وبركاته.

حضرت لي مجلس فقالوا انك تصاحب كبار السن ودائماً تسأل عنهم فلماذا؟
وكبار السن الذين اسأل عنهم أمثال:أبوخالد هو عفاس بن عقاب بن محيا
ونايف بن عقاب بن محيا ، ونايف بن عبدالمنعم بن سرحان فقلت هذه القصيده:
?
?
?
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لادار في صدري هواجس ودندان=قمت أتذكّر من علومه طرايف
سجّيت أدوّر مجلسٍ فيه شيبان=أمثال أبوخالد ونايف ونايف
أمّا على آل عقاب وألاّ ابن سرحان=عندي مجالسهم ربيع ومصايف
مجالس يخزى بها كل شيطان=محفوفةٍ بالذكر عن كل طائف
ذكرى العلوم الماضيه سرج وعنان=والرمح والشلفا وهدف المسايف
أيام كان الملح فالجو ربّان=وذكرى الركايب يوم تأتي نحايف
وسوالف أفعال العرب يوم الأكوان=وقت الملاقا فوق صفرٍ عسايف
ليا ارتفع فالجو عجه ودخان=وطوائفٍ تأتي وتذهب طوائف
وذكرى بيوم حنين يوم السلف كان=ويوم أحْد وأيام الرقاع العجائف
وتبوك والخندق وهاذيك الأزمان=باق السوالف ماعليها حسايف
سوالفٍ يعجب بها من به إيمان=لو قلت أبا أوصفها تفوق الوصايف
هاذي مجالسنا بصدقٍ وبرهان=ثقال ماهيب العلوم الخفايف
ماهي على خسره ولالعب كنكان=أهل الخبث والطيب ماهم ولايف
ياللي مجالسكم على لغو ولْعان=عزّي لكم يامسوّدين الصحايف
المجلس اللي ماعليه اسم رحمن=يمرّه المؤمن مع الدرب خائف
ومن لايخاف الشوم والذنب غلطان=بعد القبور اللي عليها كتايف[/POEM]