يوسف !

[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عليك البرا مردود يالجنة المليون = مع اخلص تحايا خاطري واصدق اشواقي
تغيض الصدور وتمتلي والخطا مرهون = على ذمة الاجحاف في بيض الاوراقي
وانا والله اني ما اتكلم على مالون = ولولا الخطا مالاح نوّي وبرّاقي
ليا صاروا اهل الشعر في الشعر مايدرون = تدور الظنون .. وتختلف هقوة الهاقي
الا ياهل الحكم المجيّر غلط .. وشلون = عرضتوا ضمايركم على موس حلاقي
يسولف بها العاقل .. ويعدي بها المجنون = هذا بالخبر نازل .. وذا بالخبر راقي
وحنا منوّل نحسب ان الخلل مسجون = بالانصاف كبّل واحكم القيد بوثاقي
لكن اتّضح .. مدري انفضح .. زبدة المكنون = على عارض الدكتور غسان .. والباقي
بعد ركبت الجمره على برطم الغليون = وجا للهب شعله ..ودخان .. واحراقي
وحتى ايش لوان السبب سرّي .. ومدفون = اصول الكرامه ثابته والسبب راقي
طبيعي لاصار الرجل في موقفه مغبون = هذا الحر يشهر كل ماخاطره ضاقي
ولاهي غريبه لو كسر يوسف القانون = عتيبي محكحك .. واخطل يمين .. وعراقي
يالجنه ياقو وجيهكم شكل والا لون = بعد مابغيتوا قطعت الماء عن الساقي
يمين الله لتبطون .. تبطون .. ثم تبطون = اقوله وعزي ّ بالفخر يدعم اعماقي
لوان لجنة المليون .. ترثع بدون عيون = ولاهيب لاتحدر .. ولاهيب تنساقي
[/POEM]