!! القـلوب المريضـة !!

يا الله انا في وجهك مْن الصواديف
,,,,,,,,,,,,,,,,,,, لا جاتني بالغمّ تطرد بعَضها

وقامت تخاطفني هروج الخطاطيف
,,,,,,,,,,,,,,,,,أهْل القلوب الزايده في مرَضها

انْ ناشني حكْي الردى والملاقيف
,,,,,,,,,,,,,لا بد اعَرف السالفه وش غرَضها

وانْ كانت هروج المهبّل تناتيف
,,,,,,,,,,,,,,,,ما كلّ هرْجه لو تجي بَعْترضها

لا ما لحقني فالتجارب تحاسيف
,,,,,,,,,,,,,,,لولا التجارب كان ما نتـّعضْها

ولاّ الردي ما له عليها معاريف
,,,,,,,,,,,,,,,لا جاب له غلطه يدوّر عوَضها

ربِّي له الحكمه في بعْض التصاريف
,,,,,,,,,,,,,,,لو يعطي القرْضه يجي يقترضها

ولا أنا ,,, طيرٍ هواه ,,, المشاريف
,,,,,,,,,,,,,,, يكفخ بجنحانه ,,بعَد ما نفَضها

يطلع على مْتون السحاب المراديف
,,,,,,,,,,,,,,,ويكبّ قاع الأرض للي ربَضها

تكفيني سلومي وترحيبة الضيف
,,,,,,,,,,,,,,,وفرايضٍ ,,, ربي علينا فرَضها

وانْ كان فتـْل اشنابهم كذبٍ وزيف
,,,,,,,,,,,,,,,الطيّب اللي لا فتلَوها نقـَضها

وانْ جاتني عندي لها ضرْبة السيف
,,,,,,,,,,,,,,, باللي كما البراق ,, كلٍّ لحَظها

لا ما تحرّكني هروج الخطاطيف
,,,,,,,,,,,,,,,وأهْل المرض عندي علاج لمرَضها

فالح الشلوي