كل حريّة ضمير بمذهبي مكفوله

الاخوة الاعزاء ادارة ومراقبي ومشرفي واعضاء موقع المرقاب

السلام عليكم 000 اشكر بداية الاخ العزيز المشرف معيض العتيبي على دعوتي

لأتشرف بالإنضمام الى نجوم سطعت ولا زالت تتألق في سماء الشعر 0

واقدم لكم آخر نصوصي المتواضعه آملا ان تحوز على رضاكم وتلامس شفافيتكم


اليكم ماكتبت معتذرا على الاطاله في مقدمتي فهذه المشاركة الاولى بينكم 0


[poet font="Simplified Arabic,4,black,normal,normal" bkcolor="transparent" bkimage="backgrounds/13.gif" border="ridge,4,gray" type=0 line=200% align=center use=ex length=0 char="" num="0,black" filter=""]
يابو نايف جاك علمي يوم جيت لحالي "="وكل حريّة ضمير بمذهبي مكفوله

ما استحي والطيب بدله والمقاس رجالي "=" والتجارب والمواقف مثل شم التوله

ولا علي فالي لقيته مستريح لفالي "=" من نباك اللي كما الجوهر يخالط لوله

كان عندي هرج واجد وانتهى طوالي "="مشكلي من علمٍ اقشر دق لي بندوله

والتنكر والخطيّه ما تجي من جالي "=" ولا يحدد مستوى الرجال غير فعوله

علم اللي عند صالح في مقامه عالي "="لا يغير صورته في ناظري ودلوله

وقله انه في ضميري مستباح وغالي"=" لا يصقط قيمته ممشى الردى وشّوله

وقلّه اني ما تنشّد واستعيد سوالي "=" ولا اتعلق لين اطول مقفيٍ ما طوله

والله اني لا دخلت السوق سقت ريالي "=" يوم بعض الناس سكر منطقه بقفوله

والرفيق الى دخل في ذاكرة جوالي "="كل ما خذت افقده وازهم على محموله

حستي من دبرةٍ حطت غطا وظلالي "="وعقدةٍ لا بدها عقب العتب محلوله

حاجةٍ منها جزعت وذكرتني خالي "=" خالي اللي لو نحيت بعيد قلبي حوله

والثقه عندي كبيره والحمول ثقالي "=" والامانه عند مثلك بالثقه مشموله

استلمها واعتبرها بضعة الجمّالي "=" وانتبه للبندق اللي بالخبا مكيوله

وانت ما يلحقك لوم ولا يجي في بالي "=" وان حكمت اعرف ترى لك كلمةٍ مقبوله

لا تخليها تحدي وانطلاقة رالي "="خلها شعرة عجينٍ بالخفا مسلوله

وانتبه لا تسقط المرّه بكاس الحالي "=" ويقطم المسمار قو الربط فالصاموله

بس عالجها وسيرها بربعٍ خالي "=" وانتبه لا تحرق البراد نار الكوله

خابرانّك لو تضيق محصلٍ مدخالي "=" قبلنا لك كم جوله يالرفيق وصوله

والسلام لك انت الاول والرفيق التالي "=" كلكم من عود صافي ول يا معموله

[/poet]


لكم فائق الشكر ومزيد الامتنان

اخوكم ابونوت