مشاعيب خفيفه!

سلام عليكم
بعد طول الغيبه اعود اليكم بهذه المشاعيب الخفيفه


اثـر القبيلـي ليـا حـب القبيلـيـه
يطغى عليه الجنـون ويفقـد شعـوره
بيت من قصيدة - حالة الحب الرئيسية - لسلطان

حتى الصعيدي ليا حب الصعيديه
يبيع معزاه ويحرّج على ثوره
وأن جات للجد لا هذي ولاذيه
مير الهوا يظهر الرجال من طوره



اين تقضي معظم وقتك : الديوان + الركض في شاطئ الشويخ بشكل شبه يومي.
رد سلطان النواف على موضوع لغالب الشريف

أنت شوي وتحط لون - الترنق - اللي لابسه وموعد ركضك بالساعه والدقيقه.
ياهوه ترا " محد شافك ياللي في الظلام ترمش ".



يجري وراي الوف والوف والـوف
وانـا سمايـه ماتبـا الا جنـاحـك
بيت من توقيع لفيصل السواط.

تكذب على المكشوف والعالم تشوف
الله يسعد لك مساك وصباحك
يجري وراك اللي يبي منّك اولوف
لو يمسكك ماهوب مطلق سراحك




( اعترف )
بإني انا لست انــا
( اعترف ) اني لعلَ اجد نفسي
( اعترف ) ان وجدت نفسي سأتي
رد لوليد العمودي في موضوع اعترافات لسلطان النواف

لاحول ولاقوة الا بالله . هذي مشكلة اللي يسوي فيها " ذيب " ويقرأ كتب ناس اكبر منه.
شوف اذا بغيت تلقا نفسك روح وافتح موضوع جديد في المرقاب اذا لقيت نفسك لاأراديا
تكتب عنوان الموضوع - لغز جديد لذيب الشمري - اعرف انك انت انت.




إنطفاء الشمع
في ليلٌ عتيم
صافرات إنذار
عن قرب الرحيل
بعد جهدٌ وجهيد
وارتطاماً.... للحياه
لن تعيش الدهر غارق
في ملذات الهوى
من قصيدة لمحمد مشوط في الادب والثقافه

إنطفاء وصافرات انذار وارتطام وغارق انت على هالقصيده تصير شاعر الاطفاء والدفاع المدني بدون منافس.
بعد هالقصيده الارتطاميه اتمنى تكون هذي اخر محاوله لك في هذا المجال.




فبرغم هدوئي الشديد الذي يلحظه محيطي، إلا أنني أدافع بشراسة عما أؤمن منه وأعتقده،
فأتحول فجأة إلى لبؤة يصعب ترويضها.
في المرحلة المتوسطة درست لأول مرة في معهد مختلط بين الشباب والبنات وكنت في قمة الإحراج!
حتى قال أحد الطلبة على مسمعي "يبدو بأن شخصية هذه الفتاة ضعيفة ومهزوزة،
إنها لاتحدث أحداً"، فكانت تلك الكلمة مفتاح انطلاقتي لأنني لا أود أبداً عكس صورة سلبية عني،
لست ضعيفة الشخصية وانما خجولة، كسرت حاجز الخجل وانطلقت في الحديث مع الزملاء والأساتذة.
رد أمل المرزوق على موضوع لفوق الثريا

طيب وبعد ماصرتي " لبؤة " وش صار مصير الطالب " المتنيل على عينه " راح للمستشفى معضوض والا ممخوش بس.




الله يسعد أوقاتكم بكل خير
ما فيها إلا سلامتكم جميع .. أنا شاركت في مسابقة نجم الجامعة و كانت برعاية وحضور الشيخ : أحمد فهد الصباح
بمشاركة 27 شاعر و اشترط علينا في المسابقة عدم الإتيان بالغزل .. و أخذت قصيدتي المركز الثاني في المسابقه
و هاهي بين أيديكم .. أتمنى أن تعجبكم
لا هب نسناس الهوا و أونست خشخشة الجريد
ثم لا حت بروق الحيا .. ثم هل ودان المـطـر
مقدمه لقصيدة - نجم الجامعة - لمحمد آل عبدان ومطلعها .

شوف يامحمد انت أما انك عندك واسطه في الجامعه او أن الشباب الـ 27 ماكتبوا قصائد.
اجل هالقصيده تاخذ المركز الثاني! أم مطلع " خشخشة الجريد " اللي ما أونسه مع هب النسانيس الا انت.



هي الحب ونون القلب .. واكثر ما اعجبني .. الـــ"مر" و الـــ "آه" ..
ولو انها من بعضهن لاتعدو ان تفوق الــ "أنس" و جمال الحيا "ة" ...
رد لداهم العصيمي في موضوع لعبدالرحمن العتيبي

وأنت أدمي لازق بسكر - نون النسوه - وتاء التأنيث !




وكل التكاليف ازهلوها عندي
فدوتها ناس من القهر مذبوحه
ولعيونها لا منكم وافقتم
كل يوم اسوي امسيه واصبوحه
وكل لحظه اجيكم وابنشد عنهاا
وان كان غابت ماهي ابمسموحه
من قصيدة - الطحطوحه - لذعار الديري

ياذعار عيب انك تلزّق فيها
وتقول انا مشاعري مفضوحه
تبي تلزّق لاجل تنشر شعرك
فكره قديمه من زمن مطروحه
يمكن تمثل في امسيتها عوكل
والا تمثل في امسيتها بوحه!




والله لو انهم لاحقين على ايام الجوع ما يعبث مثل ما عبثوا
اللي ان نبي نقوله
اللهم لا تعقبنا بما فعله السفهاء منا
رد لمحمد شباب على موضوع بلاتعليق لفيصل الشريف.

شف يامحمد على هالاجابه الخطيره هذي راح اخذ الموضوع على ان يوزرك سارقه شايب عمره 90 سنه.
والسبب وجود ايام الجوع والكوارث الاملائيه. وشكل الشويب طال عمره يكتب وهو جويع.





الصف كويتي كذا وكيفي
بعدين ترى ماعجبني الطاروق كثر مايعجبني اصحاب الطاروق
مبارك ال خليفه اطلب مسانده
بندر ماهوب سهل وانت صعب الوصول
رد علي مبارك على محاوره لبندر ومبارك ال خليفة

مدري ليه اتذكر حكي وسوالف - يونس شلبي - في مدرسة المشاغبين كل ماقريت بعض ردودك ياعلي.
تكفى ياعلي اركد شوي عشان نفهم وش تبي بالضبط!




عاجبتني من يوم انها توقيع
واشوى انك حطيتها هنا عشان اجي بنفسي واقول انت مبددددددددددع
رد لسطام بندر على قصيدة - فندق 5 نجوم - لفهيد بن عصيدان

من قدك يافهيد يابن عصيدان سطام بندر جاء بنفسه وقال انت مبددددددددددع.




نوض
الله يستر علي انا وياتس من الحب
والا الباقين بصر الله فيهم
صح لسانتس صح لسانتس
رد لعبدالله بن قنيص على قصيدة - هلا - لنوض

مدري متى بيعقل - توم كروز الحسا -!!!!!