وأخر الأيام

بسم الله
مشاركه من قديم نضمي




[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أبتدي بسم الله لواحد الفرد السلام= الإله المعتلي مالنا غيره إلاه
جل شانه في صفاته والاسماءالجسام= الإله إلا هو استغفره وأطلب رضاه
يا هواجيس القصايد بعد طول المنام= شاعرك غنى بقافه وجاب أقصى مداه
كان ما وفيتي حقوقه على الدنيا السلام= ضاع شعره وانتثر وإندثر ما حدٍٍ قراه
كان ما ياصل لسطح القمر فوق الغمام= ليش يتسمى بشعرٍ ما هو في مستواه
وقبل ترتيب المعاني وعيد الانسجام= شاف ما غثرب حياته وما كدر صفاه
ما كتبت الشعر لجل التوجد والغرام= ولأنا ماني بري من هوى شبه المهاه
مير حبينا وتبنا ويا مال الرحام= يا لحبيب اللي فجر قلبي ألهايم هواه
العهد به يوم لبس القلايد والزمام= وألبسوه من الفساتين فستانٍ زهاه
وأعقدو له وارقصوله وسوو له مقام= وإحتماه الغالي اللي ما ابي شقرة عصاه
غيرها في البيض مالي لاشف ولامرام= الله إيجازي وليّ أمرها بقصى جزاه
ولاكتبت الشعر للمال والناس العظام= أحمد الله وأشكره من غناةٍ في غناه
ما تلولس في رموث الحبال ولا الحلام= خابرٍ نفسي ولا مشي على غير إتجاه
مغتني بالواحد اللي عيونه ما تنام= لو يجي بيني وبين الفقر حذفة حصاه
والليالي فرقت بين حام وبين سام= وأخر الأيام ما عاد للدنيا طراه
والردي ماله عليه لاطيب ولاحترام= يوم ينذر بالفراق اجمل أيام الحياه
والذي حرك هجوسي وحلق بي وحام= وكدر القلب المعنى وزود به عناه
صاحبٍ غالي ومغليه الي عشرين عام= قام يقصر في سلامه ويبدي لي جفاه
والجفى ما هو بطبع الرجاجيل الحشام= رآعي الجزلات غلطان من يبحث خفاهً
ومن حقوق الصاحب أربع وخامسها تمام= أولً فأن كانه أخطى فلاتتبع خطاه
وان لفاك اكرم سباله وذا طبع الكرام= وأن رحل وابعد فلا عاد تهرج في قفاه
وإن حداه الوقت واحتاج في غير الحرام= إحتزم بالمال والنفس والحقها بجاه
وخامستها نور والنور جلاي الظلام= ألنصيحه واجبه والردى محدٍ يباه
ومن تسمع في يقولون وبنوك الكلام=والله ليزعل مخاويه ويفرح عداه
حط علمي يا محمد على صدرك وسام= مثلك افخر به وأماري ولويكبر خطاه[/POEM]
مع تحيات
عبدالله عايض القثامي