إهـــداء إلى الشيخ:بــدر بن جدي بن زريّبه شيخ قبائل الجذعان والسياحين من عتيبه

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]للطيب روس ولاهل الطيب دستور=ولطالب الفزعات منصى وقبله
قبلة شيوخ الأرض حكّـامة الشور=لاصايرٍ بعده ولاصار قبله
ابن جدي بالطيب والجود مذكور=شيخٍ جزيل ووقفة الشيخ جزله
بدر ولد شيخٍ بالافعال مذكور=نعمٍ بجدي الشيخ نعمٍ بنجله
كتبت شعري بحر وامتـدّ لبحور=وكل البحور العاصيات اذعنتله
ياشيخنا ربي يمسيك بالنور=يامعدّل المايل ترى الحال عدله
ياشيخنا يوم الرحاء قامت تدور=من مثلك اللي تذكر الناس فضله
ساس الكرم بيديك مبني ومشبور=يد الفرات ويد على طول دجله
يامن بك اللي يشكي الخوف والجور=وينصربك اللي قيّد الهم رجله
جدك زريب اللي بالافعال مشهور=حتى ألـدّ عداه يشهد بفعله
تشهد له عتيبه ليا نفخة الصور=لو كان "وائل" أصله وساس فصله
الله يطول عمرك سنين وشهور=وانه يبارك لك بخيرٍ تعَـمْـله
وانته دخلت البيت والبيت معمور=معمور بشيوخه ومعمور باهله
جولك سياحينك نشامى على الدور=وجاك الجذع ياميره وشيخ شمله
قبيلتينٍ ورثة احرار وصقور=اهل الفعايل يوم كلٍ وفعله
ويابدر جبت الصك وانشرحت صدور=في عبلةٍ تسوى ثمانين عبله
الشعر في هالليل ماهو بمعذور=عن مدح مثلك وانت نقضه وفتله
ان مادعانا ماقف العز بنبور=في ماقفٍ يعناله وينتعبله
واللي سعى بالحفل مليون مشكور=في حفلةٍ مامثلها أي حفله
وآخر ماقوله بيت باقي ومعمور=بيتٍ كتبت الشعر يابدر لاجله
كل الشيوخ ونعم مافيهم قصور=لكن بـدر بن جدي مافيه مثله[/POEM]