ياسيّد الروح ..

مشاركة بسيطة ..

أرجو لها القبول ..

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياخاطري غنّ قافك بيت بيت = شمالك المملكة وجنوبها
مشاعري لك .. تدافع كمبليت = تزهّب وخل دوبك دوبها
البارحه طول ليلي ماسليت = آشاكي الناس من مطلوبها
ياناشد ٍ وين رحت وين جيت = هاك الحكاية وانا مكتوبها
إقراني بكل مابي لو بغيت = واسلم وسلّم على مندوبها
سرحت في دنيتي ولاّ سريت = أهم مابه .. نقيس دروبها
وان قيل لي طحت .. قلت ألاّ عليت = لو صار ذي طيحتي حلّو بها
والرجل مابين صيت وبين صيت =يعامل الناس حسب اسلوبها
وآنا عن الشعر لو اني غفيت = المعرفة .. دوم لابس ثوبها
بديت منها .. ومنها مارويت = من وين راحت .. هذاني صوبها
والحمدلله ماعمري شكيت = من قلّها .. لا لفى ماجوبها
أجالس اهل المعالي ماحييت = والنفس آحارب لذيذ ذنوبها
هذا جوابي عساني لك وفيت = ياسيّد الروح يامحبوبها [/POEM]

.