طعم الكلام المرّ ...!

متواضعه اتمنى ان ترتقي لقوبكم




[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الصمت روح الليل والليل لو طال=طويت فيه اللي مضى واختصرته
ويبقى الامل وادي والاحلام مدهال=وانت اجمل اللي بالحياة انتظرته
وطعم الكلام المرّ من قبل ينقال=حسبت الف احساب له واعتبرته
يا صاحبي مرّت على قلبي اهوال=ولانفع صبرٍ فـ بعدك صبرته
هذي ثلاث ايام والشوق ما زال=ينحت ضلوع العاشق اللي هجرته
مرّت بي الذكرى على ذيك الاطلال=وقعدت أحسّب كل شيٍ خسرته
وذابت بعيني من عنا حبك ( جبال=دمعي ) وخفت امن العذول وسترته
انا وريث امجاد وسيوف وابطال=وفعلٍ ينومس لا طريت وذكرته
ماهي بسهله .. اترك الدمع ينهال=ولاهي بسهله .. يشمت اللي حقرته
ما سال دمعي بس دمع الغلا سال=يوم انكسر قلب الوفي ما جبرته
ياصاحبي مابه على حسنك اجدال=خذا بجمالك كل عرش وشهرته
خصرٍ يميّله الهوى وين ما مال=ورمشٍ تحديته وخفت وحذرته
وعينٍ بنت في زحمة اهمومي آمال=وشعرٍ خذا طبع الظلام وسهرته
ومن خدك إلـ شفتك لا حبة الخال=لا عاتقٍ ساق البياض وحصرته
إن شفت زولك يابعد كل الازوال=وجهّت للحظ الكريم وشكرته
لك في عيوني عز .. تقدير واجلال=ولك فالحشا بيتٍ بحبك عمرته
والشعر دار الفكر .. واركونه اظلال=ويحلا قصيدي فيك لامن نشرته
ياكم بيتٍ في تواصيفك أختال=وياكم بيتٍ ما طراك ونكرته
نظمت لك شعري قلايد وسلسال=لين امتلا غيض الحسود وقهرته
وصبيت لك من صافي الحب فنجال=وانت بغيابك ياحبيبي نثرته
وزعتك اشواق واحاسيس ووصال=غير الطموح اللي لقربك بذرته
وسيّلت دمع الخاطر ونكسة الحال=داو بوصالك كل ضلعٍ كسرته
الحب بحر وقلبك العذب له جال=شفني تحديت الصعاب وعبرته
هذي ثلاث ايام يا راحة البال=والضيق من بين المحاني شعرته
وباقي معي بيتٍ بصدري ولا زال=تكفى .. تذكرني ليا من ذكرته
لو طالت الفرقا وليل الجفا طال=تبقى الطموح اللي بعمري ذخرته[/POEM]