ثار الوغى .. والليل زاح حجابه .. !

.
.





أسمحولي على الأنقطاع الجبري .. والغير أرادي .. !


قصيده .. تشرفت بألقاءها في ملتقى قبيلة عتيبة الأدبي الأول .. !









[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]الهاجس اللي قمت أحسب حسابه=يومه عـن الفرحة يشدّ ركابه
بركت له زمل الغلا وشدادي=وأعطيته الدنيا طمع بعجابه
واحييت روح المارد المتخبي=وأشعلت ناره وأنشغل حطابه
قم وأحتزم فيني وأنا لك محزم=ما دام ذيب الشعر في مرقابه
يا مرحبا بضيوف حفل الهيلا=لو الحكي ما يكفي .. بترحابه
جيت أرسم الفرحه وأزف أبياتي=وأنومس ضيوف الحفل واللابـه
واليوم كانك ما نزفت جزالك=ردمت بيت الشعر فوق اطنابه
عقّبت يا شعري وعقّب قافك=انتسان ما جملتني .. فـ / عتابه
ربع ٍ لهم تاريخ وقعه بيّن=تسيف أبتدي ! ولا أنتهي فكتابه
في حاضر الدنيا وفي ماضيها=جينا على أرقاب الرجال احرابه
وقت الرخى فنجال عقب فواله=ووقت القسى ذيب ٍ وحد أنيابه
ووقت الرخى حيل ٍ تسابق دمها=ووقت القسى .. دم العدا نهنابه
اليا انتخت روق وتعزوت برقا=وثار الوغى .. والليل زاح حجابه
ولا من دعى الداعي نهار الهيّه=كل ٍ على الميراد رف ّ أشنابه
نارد مواريد الرجال الصلفه=ونبقى على روس الرجوم ذيابه
ندحم صفوف الجيش رجل ٍ واحد=وكل ٍ يبرّر / موقفه مشعابه
حنا الحرار اللي تدك ّ الكايد=وحنا مداهيل السعد .. وأبوابه
استغفرالله لو بقول .. أخطانا .. !=يرقص لها صم الحصى .. وترابه
قلته .. وانا يا لابتي سيحاني=من روس قوم ٍ فعلها يحكابه
آلاد نا صر .. محزمي وأزنادي=ريف الضعيف اللي فقد مخلابه
والهاجس اللي مبتلش بفعوله=توه على الفرحة يشدّ ركابه
تو الشعر يزهى ويزهى قافه .. !=ما دام قلته في وحضور .. عتابه [/POEM]






وسلامتكم .. !






.