وعد غيمه

مساء الخير

...

ارجو ان تقبلوهااا


[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]من منطلق غيبتك واحساسي وعوقي=والضيقه اللي تضايقني واضايقها
والعبره الي يغص ابها جفن موقي=لوجات في محجرك ماهوب طايقها
والبسمه اللي على خبرك من الذوقي=يا دوب الحق عليها واتلاحقها
عليك وجه الغرام ووجه طاروقي=ماكل كلمه تقال انك تصدقها
ترى البشر تنعمي بالحكي وتفوقي=والروس ماتنحني الا لخالقها
شوفه..شحوبي عليك وتل معلوقي=حقايقٍ بينت باقي حقايقها
ولو كل لحظه تعبر عن مدى شوقي=عقارب الساعه بترهق دقايقها
على وعد غيمتك لو لاحت بروقي=مالت غصونٍ قوي الشوق يطرقها
والبعد لو طال ضيع جملة حقوقي=واشعل فتايل غلاك الين يحرقها
مادام مشلح غلا ترنيمتك فوقي=غرب مطايا صغر سنك وشرقها
الصدر ممطور والزملوق زملوقي=وزرايره لو شكت مانيب بانقها
والعب بقلبي عبث ثم بعثر عروقي=وتلذذ ابها وجمعها وفرقها
وارتع بلا ضيق والمطرود ملحوقي=ومتع خطاويك في الاضلاع واطلقها
بس اسمع اخر وصات العقل ياذوقي=كانك تذوقتها؟ ولا تذوقها
لاعاد تحدا الهوا والقد ممشوقي=ثم تنثني قامتك وايميل مطرقها
ثم تبتلش لك بجرم وذنب مفهوقي=مسارحه غرتك وعيون عاشقها
اجمل مافي السالفه انك على ذوقي=وتطول معك السوالف واتذوقها[/POEM]