( سفر الدغيلبي و تركي المطيري )

تركي المطيري :

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يابن سعد هبت هبوب المعاني =حضر هواجيسك وخلك وزاني
واحسب حساب العشر قبل الثماني = (إن لم تكن ذيبٍ كلتك الذيابه)


الليله الليله نبا نأخذ علومك ياسفر = ونشوف تالي وضعك الحساس والساري سرا
أنته على وجه البسيطه يابشر مثل البشر = ومن الغشامه ماتشوف الناس والساري سرا[/POEM]

سفر الدغيلبي :

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عدّل وقل هبّت هبوب المعارك =كلّن بجهده يالمطيري يشارك
ومصيبة الطرقي نقاط الجمارك =(إن لم يكن ذيبٍ كلته الذيابه)


الليله الليله نبا نرفع علامات الخطر = اصرف قصيد وحضّر الهوجاس والساري سرا
أصل القضيه كلها بين المفتح والعور = المشكله فـ البأس غير البأس والساري سرا[/POEM]



تركي المطيري :

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]العام فالطايف وفأقصى تهامه =ومريحن من فوق ريش النعامه
واليوم أشوفك عاصبن فالعمامه =(إن لم تكن ذيبٍ كلتك الذيابه)


يااللي تلد العين لا تارد على الموت الحمر = بعض الدعاوي ماتخش الرأس والساري سرا

اللي حصلّك تذكره والخافيات أدهى وأمر = والطوب مايثبت بليا ساس والساري سرا[/POEM]

سفر الدغيلبي :

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]فالطايف المأنوس ولا هنيّا = الرأس يقدح بالسّطر والحميّا
وأنته مرافق في قصور العليا = (إن لم تكن ذيبٍ كلتك الذيابه)


الله يستر ياتريكي لاتموت من القهر = ياولد عم خليف بن دواس والساري سرا

دايم معقّدت الأمور أهل البلاسه والغدر = الله يزيل الخاين البلاّس والساري سرا[/POEM]


تركي المطيري :

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أخذت لك فالوقت لفّه ودوره = والحال يمشي والأمور مخبوره
وأنا مع أهل الطيب واخوان نوره = (إن لم تكن ذيبٍ كلتك الذيابه)

ماباقين لك غير خمس أيام وسبوع وشهر = وتصير مثل الحبر فالقرطاس والساري سرا

لوتنشد الروّاد يالمقرود عن سطح القمر = قالوا لعله مايجيك البأس والساري سرا[/POEM]

سفر الدغيلبي :

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماأخاف غير الله ولا اعبد ولا ارجي = إلا العليم بسرّ هرجك وهرجي
وأنته مع الحكاّم لكن سفرجي = (إن لم تكن ذيبٍ كلتك الذيابه)

وأنته بعد ماباقين لك غير جزء من الدهر = وتصير مثل البن فالمحماس والساري سرا
بعض الأوادم من جنونه صايبه جن البقر = لاهوب لامهلهل ولا جساس والساري سرا[/POEM]


تركي المطيري :

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سفر رثع فالشعر ينهد بيته = وحتيش لو هو شاع ذكره وصيته
مايدري أنه قهوجي في حويته = (إن لم تكن ذيبٍ كلتك الذيابه)

خل السوالف مير بكره سو لي دله عصر = وأحسب حسابك لايجيك نعاس والساري سرا
الهرج واجد ياجماعه والسموحه والعذر = بعض السوالف مالها مقياس والساري سرا[/POEM]



سفر الدغيلبي :

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ترا الكلام اللي تقول اشرفن لي = أعد نفسي قهوجي في محلي
وأنته على بيت المعزب تهلّي = (إن لم تكن ذيبٍ كلتك الذيابه)

أكله ماغير اتقسمه واحد نفر واحد نفر = وتقدّم المويه بوسط الكأس والساري سرا
حنّا نعرف الحصني اللي كلّما ردّد جحر = ماله مع اسباع اللحم مجلاس والساري سرا[/POEM]

تركي المطيري :
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا مع أهل المعرفه ماتحيّر = وأنته مسيّر غصب ما انته مخيّر
إتدور الشرهات عند القصير = (إن لم تكن ذيبٍ كلتك الذيابه)

مهنتك معروفه ليا قدم لك البن الخضر = لكن أبا خذلي معك مرواس والساري سرا
ياوقتنا ياوقتنا يا اللي على بطن او ظهر = الشعر في تال الزمان انحاس والساري سرا[/POEM]



سفر الدغيلبي :

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ترا القصير من طويلين الأشبار = أحرار ومصاحب بني عم وأحرار
يامدوّر الشرهه وراء عمّك الفار = (إن لم تكن ذيبٍ كلتك الذيابه)


حنّا لياقمنا حشرنا اللي يخاصمنا حشر = قدّامنا مايهلس الهلاّس والساري سرا
صح الشعر من عقب ماجا تركي ألفين اندمر = قدّام صفّه يضرب المرواس والساري سرا[/POEM]


تركي المطيري :
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عز الله إني مانويت المشاكل = لكن بعض الناس مثل الهياكل
فاتح فمه من شان يشرب وياكل = (إن لم تكن ذيبٍ كلتك الذيابه)

يادغيلبي مالك معشّا قدم حمران النظر = ندخلك في كيس"ن" من الأكياس والساري سرا
أنا من أهل الشعر والوقفات وانحت من حجر = وأنته من اللي يطبخون الفاس والساري سرا[/POEM]



سفرالدغيلبي :

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أكلي وشربي من فمي خلقت الله = المشكله فيك أنت يابن عطا الله
اتشرّبك شلّه وتوكلك شلّه = (إن لم تكن ذيبٍ كلتك الذيابه)


أنا تراي لمثلك او شرواك علّه فالنحر = كم شاعرن تحت قدمي إنداس والساري سرا
مالك شعر غار المهازى والمخازى والعير = ماأنت ابلها لادقّت الأجراس والساري سرا[/POEM]




منقول