بالله ياللي تهتوون المغابيش

[poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
بالله ياللي تهتوون المغابيش = قطاعة الفرجه ليا دنع اللاش
ليا خذيتوا شوق عكش المرامييش = الصاحب اللي لمواجيب حواش
مروا على اللي هم صدره بدا يجيش= شفق على خوه هل الجود الابشاش
لااحد يجيب عزب والا معافيش = الا اذا بندق ودربيل وفراش
فوق ابيض مافيه طقه وتمخيش = ناصع بياضه فارق كنه الشاش
ليا داسه السايق بدا ييطيش ويشيش = كنه ينشق من معاميل حشاش
مخباط حرٍ ضافي الوصف و الريش = وصف الشجاع اللي على الهوش هواش
خلوه قبله يمسك الخط ويطيش = يبغى ديارٍ حبها فالحشا خاش
ميتين كيلو مشي من عند تفتيش = غرب الرياض اللي به الناس تعتاش
ابعد بنا عن دار عماش وعميش = ياكم بها صاحي وياكم غشاش
اهزع يسار وخل ممشاك بشويش = قرط الحصا حدره كما صوت قراش
تلقون شولن من طوال الخراطيش = فرايد ما جمعوها بالاحواش
توسم بحيه ماتوسّم بترقيش = ورثٍ ورا ورثٍ وكسب من قراش
ليا سجو اللي يجمعون المحاويش = جريت صوتٍ ماهو دقاق وهشاش
جنك زرافيلٍ كما هرولة جيش = يشوش منها واحد مابعد شاش
نسج والمولى كفيل المعاويش = يعيش راع الطيب والاش لا عاش[/poem]




اخوكم عبدالله العصيمي


.