لي بلحالي

- باقه من على الفاقه -



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حبيت اسلـم وابـارك يـوم عيـد الفطـر=وروّحت صوب البـلاد وقبـل اعيّـد بليـل
مريّت سوق المدينه واثـر وضعـه خطـر=رحت اشتري غترةٍ بيضا ومـن ذا القبيـل
لكْـن عـرّض غــزالٍ كـنّـه بينفـطـر=ثلثين جسمه متين وثلـث جسمـه هزيـل
ملمـوم/ منصـب لكـن بعضـه بينشطـر=اليا وقـف مستحيـل ولا مشـا مستحيـل
ممشـاه كلـه غـرور وبالحـلا منبـطـر=وماهوب لا اطول قصير ولا هو اقصر طويل
من كل حسن الطبيعه فيـه وصـفٍ عطـر=ويش الحكي فيه مالـه فالبسيطـه مثيـل
قال : انت عيدك مبارك؟ قلت عيدي خطـر=قلت: انت عيدك مبارك؟ قال: عابر سبيل !!![/poem]







[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مل قلبٍ لا نهتـه الليالـي مـا انتهـا=كل ليلٍ ساري ٍ له علـى درب ٍ جديـد
كل ما حـب المشاكـل وللهم اشتهـا=شد حيله وانتحى بي على الدرب البعيد
ساعة الفرقا لا قارنتها هـي واختهـا=قلت جاك العلم ويقول لي هل من مزيد؟
جعل يسقى يومني كل ما الهيـه التهـا=قبل يدري ويش فرق الحزين من السعيد[/poem]








[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالت تغزّل قلت ويش اسـوي=دعيت هاجوسي لكنـه عيّـا
من اولاً لامـن بغيـت انـوّي=يقول قبل انوي القصيده هيّـا
وذلحين لامن جيت اسوقه توّي=يقول : أبد .. انا وقفت هنيّا !![/poem]






[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا بتفكيري وتعبيري وتدبيري بخيص=لا في الليال التاليه ولا الليال الاوله
النهج واحد ما تغيّر في قطر والا خريص=وانته ترد اللي ترد وتقبل اللي تقبله
ان كانها جت للغلا عز الله ان منت برخيص=اما الغصب مانيب اغصبك واعمل اللي تعمله!!
والا الحقيقه والله اني للوصل شفق و حريص=لكن انا ماني بحب الولوله والبلبله
ان قلت ما في خاطري لك جاتك علومي خبيص=واليا كتمت اللي بقلبي والله انها مشكله !![/poem]