((~( الــعــهــد )~))

السلام عليكم و رحمة الله و بركاته

الله يسعد أوقاتكم يا أهل المرقاب بكل خير .. مرّروها كسابقاتها



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


أعوذ بالله من عيش الشظف و النّكد= و أعوذ به من ضياع العرف في موعده
و اعوذ به من شماتة مبطنين الحسد = ناس بفعل الجمايل و الوفا ملحده
يا الله و أنا طالبك عيش الهنا و السعد= في ساعة يحصد الرجّال بذرة يده
يا طيب حظ الذي للواقعه مستعد = أمضى حياته و روحه للولي مجْهَده
و يا قشر حظ الذي للواقعه ما اجتهد = أمضى حياته بجمع المال في الأرصده
تدور الأيام و ابن آدم يعيش فـ.. كبد = يا كثر طرده لها .. و إليا تعب تطرده
تغرّه بضحكها .. و تعيشه في رغد = ما يدري إنها ليا منه وقع تجحده
ذخر الرجل عقب طاعته لعظيم ٍ صمد = طيب فَعَلْه بنقا ما يلتفت لعدده
ثم عقبها .. صاحب حبّه طويل الأمد =يَسنْده لا طارت آماله .. و ضاع جهده
و الصاحب اللي نكث عهْده .. نهار العهد = وش عذره إليا تقابلنا و قمت أنشده
كنت أحسب إنه على صكات بقعا سند = و أثره من اللي ليا واعد يفضّ وعده
أجرع مرور الزمن و أسقيه صافي الشهد = و أدرى على سيرته من ناقد ينقده
غفوة عيونه ليا منه سهر ما رقد = فزعته .. لا شان وقته و ابتدى يضهده
و اليوم من عقب ما دق الزمان الوتد = ياكثر بيبانه اللي جيتها موصده
يبقى العوض في رفيقي .. ترثة أب ٍ و جد = نفس ٍ عزيزه على الشهوات متسيده
ما دامني ما أشتكي من قل مال و عدد = يعقد لي الوقت .. و اصمل له .. و احل عقده
أعيش عيشة الأسد .. و أموت موتة الأسد = لو إن زماني يجي بالمجهدات جهده
ودك ليا ضاقت الدنيا على ابن الفهد = يصبر .. و يلقى الفرج من محيي الأفئده
و ودك ليا قلّت الحيله .. تعيّن ولد = قرم ٍفعوله ليا من ذكرت مسنّده
الرجل لا من بغا يبني بيوت جدد =يتعب على ساسها و يثبت الأعمده
و ألا فلا هو بمجبور يعمّر بلد =بيوته إن هبّت الأرياح متهدده
دمنا على الأرض نمّن* عيشة ٍ للأبد = الرابح .. اللي تحتها وآمن فـ..لحده[/poem]




* نطقها ( نمّن ) و كتابتها ( نأمّن )