(( كلنــا برقـا وروق ))

[align=center]قصيده في ربعي الهيلا عتيبه بمناسبه مزاين عتيبه اتمنى ان تحوز على رضاكم[/align]
[align=center]-----------------------------------------------------[/align]


[poem=font="Simplified Arabic,5,blue,bold,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
نبتدي باسم العزيز الهادي العدل السلام=ربنا المولى ومرسى ارضنا باجبالها

خالق العالم ومنشى فالسما ردم الغمام=والمزون اللي ترادم ممطرً وبالها

انتهض ياهاجسي ماعاد فالدعوى كلام=وابدع الابيات جزله مالنا باهزالها

حدد حروف القوافي خلها مثل الحسام=تمدح ارجال المواقف صدقها باقوالها

ربعي الهيلا عتيبه عزوتي وقت التسعام=صيتها عالي وشامخ والفخر بارجالها

طيبها يشفي القلوب ومدحها مابه ملام=لابةً بين القبايل عالياً منزالها

تضرب بحد السيوف اللي يقصّن العظام=فالمواقف ماتلين وفخرها لاجيالها

فوق بيدا العز هيبه للمعادى والخصام=لاحتمى الماقف عنيده والنصر بقبالها

تشهد نجوم الليالي ويشهد اطراف الحزام=ويشهد التاريخ بالماضي بضرب افعالها

كلنا برقا وروق وبيننا طيب وحشام=ماتفرقنا علوم اهل الوشى ونقالها

راينا واحد وبين القلب والعقل انسجام=نعرف اجزال الهروج وخفّها واثقالها

من حشمنا له حشيمه فوقها زود احترام=وفالمجالس هرجنا مسموع من عقّالها

المراجل قالوا اهل المعرفه ذروة سنام=والفعول اللي تنومس ربعنا مدهالها

وجارنا حقً علينا لايهان ولايضام=والضيوف اليالفوها بالكرم يثنالها

ربعي الهيلا هل البل هم عزيزين المقام=للمزاين في روابي نجد مطيب فالها

في نفود السر شيدنا البيوت مع الخيام=البيوت العامرات اللي يظل ظلالها

الشعل والصفر نقّوه غيرها وضح وجهام=تعِجبك لاشفتها في دقها وجلالها

احتموها يوم عج الجو جايله عسام= القروم اللي تبيع ارواحها فدوا لها

والقبايل والنعم فيها لاجا وقت الزحام=كل عزوه فالجزيره وافياً مكيالها

كلنا في ظل ابو متعب كريم ابن الكرام=المليك ابن الملوك اللي حميد اخصالها

قايدً ننعم بخيره للوطن برد وسلام=وللشدايد رجل صارم وللعقد حلالها

فالبدايه والنهايه عد مارف الحمام=وعد مزنً في سمانا وابلً همالها

اختم ابياتي بذكر الهاشمي خير الانام=ياصلاة الله على محمد عدد من قالها[/poem]
[align=center]وسلامتكم[/align]