الطـــيــف

يسعد مساكم / صباحكم

جديدة أتمنى أن تحوز على الرضى

وتشفع لنا طول الغياب

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أسري مع الهاجس ليامر طاريك=وأعانق الذكرى على حس طرياك

أسرج خيول الفكر يمك وأناجيك=أرسم ملامح صورتك وأتهجاك

أجوع لك وأشرب غلا وقت ماضيك=واضم طيفك بالعتب وأترضاك

لك منزلٍ فالقلب ما فيه تشكيك=متربعٍ عوج الحنايا مراياك

ياللي حنان الكون في لمسة ايديك=كل المشاعر تنتعش يوم لقياك

الله عطاك الزين والملح غاشيك=حتى التناقض مجتمع في مزاياك

ليل الجدايل رافق الشمس يكسيك=والثلج عانق جمرةٍ في شفاياك

أدخل على الله زايد الشوق يدعيك=وكل الجوارح يا حبيبي تمناك

اجمع شتات العمر مادام يمديك=قدّم عرابين الغلا في عطاياك

وارفق على قلبٍ يودك ويغليك=أطلق سبوقه في سما غيم دنياك

أخلى محله بين الأضلاع ناصيك=أتلى العهد به يوم قفّت مطاياك[/poem]


وسلامتكم