طعنات الاصحاب

[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلام والطعنه بلا عذر واسباب=والشاهد الله والنوايا سليمه

اقولها والقلب من يوم منصاب=ماهي عن الشكه بلاها ظليمه

والدمعه اللي هزت شعور الالباب=تبقى على خدي ثواني مقيمه

والضيقه اللي كشرت نابها ناب=تاكل حشاي وماهي والله رحيمه

انجيت اصكر بابها تفتح الباب=ماحبها لكن علاقه قديمه

والشاعر الحسًاس في ليل مرتاب=والهم والهوجاس خصم وخصيمه

تلعب بي الدنيا وانا توًني شاب=مقسوم والايام ماهي مديمه

ومن لا يحسًب ضيًع احساب وحساب=قدام يبلش في عواقب وخيمه

ومن لايقدًر لاحضر كنًه اغياب=في مجلسٍ فيه الرجال الكريمه

ماعاد له شرها ولا نص ترحاب=هذا الصحيح ولا له حشمه وشيمه

والمشكله طعنه من اصحاب واقراب=هزت كياني والعلاقه حميمه

انجيت ارفعًها تلاقت بالاشناب=ونجيت اطمنًها لحاتٍ حشيمه

ياليتها طعنه من اعداي الاجناب= والله لارد الفين طعنه لئيمه[/poem]