(ماهي لحية.. حب) ..!

سلام عليكم ,, مساكم مسك
أبيات متواضعه والعذر على الغياب اللا إرادي


.
.
.
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

لي هاجس ٍ لامن زهمته على طول=وبيّنت له صدق الحكي من مزاحه
عطل مشاريعه وإذا كان مشغول=وقّف .. وأخذ من باقي الشغل راحه
لانه على بدع الجزيلات مسؤول=يترك هماج العد .. يروي قراحه
خصا ً ليا من صار في شي معقول=ما هو يجملها بعرض استباحه
والطيّبة من أولويات وميول=والمفردة متعلقة بالصراحه
يعني على ماقيل .. ياويش أبقول!!=ماهو(ب)محتاج تعَليمة فصاحه
المشكلة..(ف)الفكرة اللي لها حول=سبع سنوات ٍ بين ضيق وسماحه!!
من دونها قيفان والوزن مقفول=والكل منهم ماتعدى سلاحه
الفكرة اللي حيّرة فكر وعقول=من دونها شي ٍ صعيب اجتياحه
الفكرة اللي مالها حل مقبول=إما سفاهة عقل ..ولا ّ رجاحه !
أو بالأصح جرح ٍ بلا طب وحلول=يصعب على الجراح لمت جراحه
لاهي(ب)لحية حب ومعانق الطول=ولاهي(ب)لحية ليل يسدل وشاحه
هذا على ماقيل..ياويش أبقول؟؟=فكر ٍ يراودني وركز رماحه[/poem]



وسلامتكم