((*((*(( هلتون ))*))*))

صباح الخيـر


أتمنى الجميع بخير ...


كذا بيت للتواصل عسى تحوز على بعض الرضا ....


صلو على الرسول
.
.
.
.
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
نقاهة جنيف وش سوت بقلب العليل !=بثت خفا فكرتي من قبل تأليفها !!!

من عقب ماني عن هروج الحبايب ثقيل =قمت أذكر السالفة ... وأذكر سواليفها !!!

صادفتها يوم أنا في وسط (( هلتون )) نزيل =والفاتنة رايقه .. ومصّيفه صيفها !!!

في عينها ... كل شي يقال عنها ..قليل !=به ناس تخضع لها وأكثر معاريفها !!!

متعوده تامر وتنهى ... وتصهل صهيل=خدامها ... تنثني لاخايلو طيفها !!!

في دارها كل بنك يضم منها حصيل ؟=(( وسويسرا كانزه باقي مصاريفها )) !!!

البنتلي .. والهمر ... في خدمة المدموزيل=مسبوقة الدفع في شامل تكاليفها !!!

الله لنا ... يوم مرّت والنواظر تخيل=صارت معزب على قلبي ... وأنا ضيفها !!!

ماني بطامع بمال ... الخيرعندي فضيل=بس طامع أصير واحد من مواليفها !!!

هي عمرها واحد وعشرين عام وقليل=بس فتنة العصر هذا من مراهيفها !!!

من حسنها الوادي المدهر ...لاجاته يسيل=والورد يقضي حياتة في مشاريفها !!!

لو النفل شافها ... من حسنها مايميل=والزعفران أنتهى من صدقها وزيفها !!!

وشارمل زعل يوم غنّا في نحرها شانيل=و Dior ... دايم وهو ماشي على كيفها !!!

هي بنت رجلٍ ... أصيل ومن سلايل أصيل !=من هيبته ... كل ربعه مزدهر ريفها !!!

الله يحفظه ؟ ...من صدوف الزمان المحيل=والله يخلي له ... اللي قزرت صيفها !!!

هذي هي جنيف ...والقلب المغربل عليل=يسعد مساء جنيف ...واللي زارت جنيفها !!![/poem]


وسلامتكم