ليه ياسداح.(صوت وصدى)

السلام عليكم ورحمة الله وبركاته,,,



يسعدني ويشرفني ان اضع بين ايديكم صوت وصدى بيني وبين دكتور الشعر(سداح).




(((الصوت)))


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياسداح ليه البعض يسلب حقـوق الغيـر=على نصرت المظلوم بعـضِ قفـل بابـه
انا الشاعر اللي كاسب الطيـب والتقديـر=وانا المؤمن اللي خاشع وسـط محرابـه
وانا النادر اللي لازهمته يجيـك امغيـر=احب التواضع والوفاء واعشـق احبابـه
ولاني من اللي لاحكـى خانـه التعبيـر=فصيح اللسـان وشاعـر قـدر اصحابـه
لكن لازعلت ازعل ولاني بزر وصغيـر=احشم الجهالـه لجـل ماتزعـل اللابـه
ابي منطق التفسيـر لكـن وش التفسيـر=يجوز البعير اللي هـدر خـاب طلابـه
وانا اللي ليا هب الهوى من شمال عصير=تعللـت فـي قـاعِ للأشـواق جـذابـه
اناظر يمين يسار واسرح مـع التصويـر=اشوف الزعل جاني ولا ادري وش اسبابه
مدام السكوت ابلغ من الحكي والتشهيـر=ابلزم حـدود الصمـت والحـق ماهابـه
ترى الثورة اللي حاكمـه مالهـا تأثيـر=كسرها انقلاب الشعـب والنـاس غلابـه
وانا لاغضبت اشره على النفس لين تصير=قنوعه من الواقع وانـا الطيـب أولابـه
تجرعت بعض الحزن والهـم والتقصيـر=من اللي غلاهـم بالحشـا ثبـت اطنابـه
وانا ادري علاج الكيي مايدخلـه تخديـر=لكن وش علاج اللي تكـدر مـن اقرابـه
اسوق البشاير لين ياتـي بشيـر الخيـر=عسى مزنـةِ مـرت كريمـه وصبابـه
لو ان لي جناحينِ ورفرف بهـا واطيـر=اجوب الفضاء وارجع واعود على ترابه
لكنـي انـا انسـان واطيـر بالتفكـيـر=احلق مع التفكير وانـزل علـى هضابـه
قصيدي يجي واضح ولاهو يجي تشفيـر=وعنواني مايحتـاج بايـن علـى كتابـه
ياسـداح ليـه النـاس ماتقبـل التطويـر=وبعض العرب ياحامل المسـك مرتابـه [/poem]










(((الصدى من الدكتور سداح)))

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

نطحنـي سعـود بـن هديـان بالتقريـر=بعد وثّقه وأمضـى بـراس القلـم جابـه
شكا طيّب السيره مـن الظلـم والتزويـر=زمانه على مـا قـال يومـي بمشعابـه
على حدّ قوله جاب لـه نافخيـن الكيـر=وللكيـر نفّاخـه .. وللـنـار شبّـابـه
تعدوّا على حقه وحبلـه ماهـوب قصيـر=ولولا حياه مـن العـرب يفقـد أعصابـه
وأنا خابر الموضوع مـا يقبـل التمريـر=أبمـرره مـن شـان قـافٍ تغنّـابـه
سلامات والدنيـا خطرهـا يـدق الزيـر=اشوفه على روس العرب يفتـل اشنابـه
حصل ما حصل واصبر على ما حصلّك مير=لاتدخل ما بين السيف شامـان ونصابـه
ترا الذيب فوق الضلع ماهوب وسط البيـر=ودارك ما فيهـا غيـر ضلعـان وذيابـه
لكن انتبه واصبر على سياسـة التدويـر=ولا تحتـزم باللـي هقـاويـه كـذابـه
يدور الفلك وأخذ الحذر لا تعكـس السيـر=لو أنّك على ما قيل شاعر وأسـد غابـه
لكن سايـر الدنيـا ولا ترفـض التغييـر=حياتك دروس وكـل درس ٍ لـه حسابـه
أبطلب لـك التوفيـق والخيـر والتيسيـر=ومن يعلم الخيـره لـو الشـر ترضابـه
هذا كل ماعنـدي وأخـذ للعلـوم مشيـر=سلمت ويحل المشكله مجلس اللابه[/poem]







وسلامتكم،