يابوذياب

بسم الله الرحمن الرحيم

السلام عليكم ورحمة الله وبركاته

مساجله بيني وبين اخوي مطاوع الحربي..


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابوذياب العلم ينصاك لاهنت=عدّاك فعل العيب عد الجوابي
عد الصحيح ولو لعرفه تكهنت=قدام من مافي امزع ثيابي
من ماسمعت ومابسمعه تيقنت= همّي على ذروة سنامه رقابي
لولاي من شرد المعاني تمكنت= غدابهن تيار وقت ٍ غدابي
لكن على قلبي من الهم هونت=في طرد شرد المفردات الصعابي
لياعرضّن مع مقطر الفكر قننت= فكر ٍ عياره مايطب الترابي
ونصيّتك اللي في بهاها تفننت= مثل الهنوف اللي زهاها الخضابي
او كنّها يشمومة ٍ يوم عاينت= يغار منها نبت خظر الروابي
ومهما تقول اليوم انا لحكمك اذعنت=قل ماتقوله عقب تقرا كتابي
تصفحّه والغامض اسحب له برنت= تلقى علامات الخطاء والصوابي
وعلى زكاة الصدق بالصدق راهنت= ولاينتزكى المال دون النصابي
واذا على مافي كتابي تبينّت = احكم عليّه ماتشوفه غيابي
والعمله اللي في رصيدي تراه انت= منك التجارب جيّرت في حسابي
ورفيقي اللي ماجفاني لياشنت = يصبر ولو شاف الجفاء من جنابي
هذاك انا مديون له وين ماكنت = انشهد انّه عملة ٍ ماتجابي
احب ادان بمثل مافيه داينت= حتى يرجعني خطاي لصوابي
والتجربه خط ٍ لو اني تفطنت= منها طلعت بكل سلبي ايجابي
وعرفت لو اني بحملي توهنت= ماشال من حملي ردّي الجنابي
ودرب ٍ ما اعرفّه لو بهونه تهاونت= وداني الدرب الصعيب وسرابي
والطيب مرقاب ٍ لو اني توطنت = عاليه شفت فعول غيري هضابي
هذا وانا من منبر افكاري اعلنت= ماني بعالم غيب ولاّ صحابي
لكن على ماقالو اهل الوفاء منت= وهقيت في مثلي مثل ماهقابي[/poem]


وسلامتكم


وهذا رد ابوذياب


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حييت يامن في خفاياك بينت = خافي خفاي وماعليّه ومابي
باللي ذكرت وفوق الاوراق دونت= خليتني بزهيزمان السرابي
اروح وارجع بين عزمّت هونّت=ماحولي اللي لو دعيت استجابي
بالديره اللي باعت العدل بالعنّت= عاتي هواها مايلقح سحابي
يلقح ويمطر تربة ٍ كنّها اسمنت= والدرب فيها طال وابحت زهابي
واليوم باللي ماتوقعته ايقنت= اطرد ذهيب ومطردنّي ذهابي
في حال كنت وحال ٍ اخرى كما كنت= عيّا مع الايام يصفي شرابي
وانا ليامنّه قسى الصعب مالنت = مير انتحى السيل النحوت ونحابي
قلب الولد ماتطرحه نظرة البنت= لولا الهواء في عنفوان الشبابي
عن الغموض ومشتبه فيه برهنت= والشمس تطلع كل يوم وتغابي
لكن قلي وش على الدرب عينّت=ياملاقف الحذرات بأرض المغابي
انته على صعبات الافكار هيمنت= وارقبت في قطع الخلا راس نابي
وانا على معنى معانيك لحنّت= وازريت لا افهم بين الابواب بابي
ولياتياسر من تياسر تيامنت= عل وعسى اخذ من سؤالك جوابي
ياللي ورا زينات فكرك تزاينت= طعم البيوت المطعمه سم دابي
ليا فردت المفرده فيك قارنت= وحده بوحده والمقارن هبابي
لن ّ المعاني يوم فيهن تمعنت= فيهن فخر للخنذفي والشبابي
والصوره اللي يابن غنام لونّت= ماهي معي مثل الورق فالمخابي
حفظتها عن كل عيب وتطمنت= حفظ السلوم الطيبه للادابي
هذي هي اللي داخل الفكر خزنتّ = ذكرى عزيزه للنباء والمنابي
واخر مطافي بالله المؤمن امنت= اطلب رضاه ورحمته والثوابي[/poem]

وسلمتوو