عبدالله المطرفي مع مستور وصياف وحبيب

الأحبة أعضاء وزوار المرقاب

السلام عليكم ورحمة الله وبركاته وكل عام وأنتم تنعمون بالصحة والعافية ووددت بهذه المشاركة أن أنقل لكم عدة محاورات جمعت الشاعر عبدالله المطرفي الهذلي مع عدد من الشعراء مع صادق دعواتنا بأن يعود مجددا لساحة المحاورة التي إفتقدته كثيرا ....

وهذه أولى المحاورات التي جمعته مع مستور العصيمي

مستور ...

قوم الصف ياغازي وتسمع كلامي

واشعـل النار مابـيـني وبـيـن الهـذ يلي

رميتٍ صابت المقرود من غير رامي

مير يالمطرفي ياطول ليـلـك وليـلي


عبدالله ..


اول الصيف بارد وآخر الصيف حامي

شد حيلك وانا من عصر شديت حيلي

يالعـصيـمي نـبـا نـقـطع يمين الحرامي

لو قلبك ينوح ولو دمعـك يسيلي

مستور..

وين ربعك ياغازي نادهم بالاسامي

كـفـتـه لا تميل وكـفـتي ماتـمـيـلي

والله اني ما اضيّع صفرةٍ من حزامي

والله اللي على كل الخلايق وكيلي

عبدالله..

العصيمي ليا رحنا يمن راح شامي

يالله اني دخيلك وين احصل عميلي

انت ياراع الكبسون جيعان ضامي

ماتصيب الكثير ولا تصيب القليلي

مستور..

احفظ السالفه ولاّ عليك السلامي

حـجّـتـك لا تـغـيـر جعـل عمرك طويلي

الذ لول الحرون انـتـلها بالخـطامي

تحسبني سواة افلان غاوي دليلي

عبدالله...

كل مسلم من الاسلام صلّى وصامي

يطلب الله ماهو طالبٍ من بخيلي

ياحمر العين عـيـنـت البعـير التهامي

قول لي وين ضيعـت البعـير الاصيلي

مستور..


يالبعير التهامي ياكبير السنامي

مار محدٍ بقادر يخلق المستحيلي

كلمتي لا تغرك يارفيع المقامي

مير ابمشي على رأيي وما يستويلي

عبدالله ..

يعلم الله بحال اهل الهوى والغرامي

يامضيع خـليـلك مابـقـيلك خليلي

انت مريـتـني بين الصفا والمقامي

قلتلك وين رايح قلت عابر سبيلي

***********************************





وهذه أخرى مع الشاعر صياف الحربي يرحمه الله

عبدالله المطرفي الهذلي



مرحبا بالصاحب اللي غيبته منشـود عنهـا=لو يطول الوقت كل(ن) دفتره موثق حسابـه
ليه ياصياف مازرت اهل مكـه فـي وطنهـا=وانت من ضاري صحيبي لين ضيقت الصحابه



صياف الحربي :



البقا واللي يجيـب الطيبـه ياخـذ ثمنـه=كلمة (ن) يشهد لها التاريخ من شاعر شبابه
كيف ازور الصاحب اللي كل مكه ماسكنهـا=حفيت اقدامي وانا ادورك في ذيك الشعابـه



عبدالله:



انت تدري بالبدو يوم البدو قـادت ضعنهـا=مير ماكنـك قريـت ولا تعلمـت الكتابـه
ياعميل الخير لو ان السيور احد(ن) دهنهـا=كان كل(ن) في هذاك الوقت يشعب في ركابه



صياف:



مانبا شرب الديوس اللي ماندري عن لبنهـا=ذيب يعوي راس ضلع ونمر يوزر وسط غابه
مايصلى في الجنازه لين تدخل فـي كفنهـا=ثم من عقب الصلاه يحـط للميـت نصابـه



عبدالله:



والله انا محتزينـك والذبيحـه فـي صحنهـا=وحد يدري عن سنع صياف وحد(ن) مادرى به
خابرينك كل مايبـدي شهـر تآمـر وتنهـى=وانت شاعر حرب لاشاعر هذيـل ولاعتابـه


صياف:



الحبوب اللي في راسك قبلنا ماحد(ن) طحنها=مير لاتسري مع الظلمـه تعشـاك الذيابـه
انت عبـدالله وعبـدالله حياتـه ماضمنهـا=مير لاتسرع وتاخذ لك مـع الخـط انقلابـه


*************************************



وهذي محاورة مع الشاعر العملاق حبيب العازمي



حبيب:



ليل(ن) سرى والصفوف تصف=والصـف الاول كمـا الثانـي
ياشاعـر هذيـل بالله قــف=اعطيـك بـيـت وتحـدانـي



عبدالله:



ارجع ورى يالونيـت ولـف=مـادام صانعـك نصـرانـي
مادري عن الناس وش تعرف=من غيـر غامـد وزهرانـي



حبيب:



ابرك هنا يالجمل وازحـف=راعيك من عصر وصانـي
تغلط وتحلف على المصحف=وتقـول مانـي بغلطانـي



عبدالله:



مير انت مجنون ومكتف=يوم البلا جاك ماجانـي
لو المدرس عطاك الكف=بالله تصبر على شانـي



حبيب:



طرف لحالك يابن مطرف=باقي لك حساب مجانـي
ان عودت للكفوف اذلف=لو صابك الكف بكانـي



عبدالله :



نبغى لنا قاضي(ن) ينصف=مير انت سارق وقوماني