باب الميانه ؟

المشاركة الأصلية كتبت بواسطة محمد بن شباب

والله ياحامد ان ميانتك مالي بها

هههههههههههههههههههههههههههههههههههههههههههههههههه هه
علي الطلاق ان ضحكت من ابن شباب لين قلت آمين
اما التعري قدّام شخصين و الا ثلاثه ههههههههه

ابو عبدالله موضوعك ميه ميه

وانا عندي موقف مر علي و الله ما نسيته من الخبال اللي فيه
اسمع اسمع :

وانا ادرس فالرياض لنا اجتماع اسبوعي كل يوم ثلوث نحجز لنا استراحه و نجتمع فيها كلنا يا اهل رنيه و معنا ناس من اهل الخرمه بعد

المهم جانا رفيق لنا مره من اهل الخرمه معه ضيف
المهم تقهوينا و لبسنا لبس الرياضه ورحنا للمسبح جنب الملعب
و فيه واحد من العيال دايم نمزح معه يعني هو ملح الجلسه و اغلبنا نمون عليه

و نقوم نطرده و نحده يم المسبح يعني نروّعه و الرجال لابس ثيابه و اوراقه في مخباه و اوراق بنوك
و كل شيء
حتى الرجال في مخباه اوراق لوظيفة توه مقدم عليها و مواعدينه
رفيقنا هذا اسمه محمد
و حنا نطرده اسمكو محمد الحقو محمد اطردو محمد و الرجال يلف على المسبح
كان رفيقنا راعي الخرمه يتفرج هو و الضيف و يضحكون
المهم محمد جايك يعدي و هو يمر من جنب الضيف و الضيف يشيله فووووووووووق و هو يلفط به فالمسبح
الا والله الرجال منعمسسسسسسسس و اوراقه و بوكه وجواله و كل شيء يسبح فالماء
المشكله الضيف اول مره نشوفه ولا نعرفه يعني لو انه جا مره ولا امرتين كان تنبلع
المشكله هذي اول مره مالنا الا ربع ساعه

و رفيقنا يطلع من المسبح ما وراه شيييييييييييييي قافله معه على قولتهم
و انت يالخبل ؟ وانت اللي فيك ؟ انت علامك انت صاحي انت مهبول ؟ متى المعرفه يوم تدفني فالمسبح ؟
وحنا يارجال اذكر الله ما حصل الا الزين يا محمد استح الرجال ضيف و الله الله و نمسكه و نطلعه من الاستراحه
الضيف انحرجججج مايدري وش يقول
الوكاد انها ميانه مدري خبال مدري هبال
المهم لا يومك هذا و لا شفنا ضيفنا المذكور اعلاه

وة سلمت و دمت و حب لي خشمك