إنثنـى .. إنثنـى !!

[align=center]بسم الله


كيبورديّة لم أجد لها مكان .. إلا هنا !


تقبّلوها كما كتبت[/align]





[poem=font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

وقف الظن .. بين البيض والسود = والأمل بين .. وقفة وإستدارة
والحزن جم وأحاسيسي ورود = وأزرق الدمع ! له شنّه وغاره
حلمي اللي تهـّزه نسمة النود = إنثنى .. إنثنى ! لين إنكساره
ما تعرف الأماني .. أرض وحدود = كل قلب ٍ طموح ! تصير .. داره !
والمحبّة وفا وإخلاص وعهود = دايمه ! ماهي بـ تاره .. وتاره !
سيّد الحِلم مدري .. سيّد الجود = انت ماخذ على الشوق .. الصداره
آتذكرك وأدله عنْك . وأعود = وآتذكرك ! لكن يا خساره
ما بقى من غصون الذاكرة ! عود = ما ذبل من غيابك بإختياره !
كان درب المواصل .. ظل وورود = صار رمضاً على القلب ! وحراره
والجفا صار له نكهه ! وله فود = عقب ماكان تجريح ! ومراره
والصبر من غيابك .. جاب مردود = صان قلبي ! ورد إلـه إعتباره
صار قلبي جبل ! وضلوعي .. حيود = شف صعوده عسـِر ! مثل إنحداره
قاتل الله ! نسمة .. بارد النود = لا ثنَـت حلمي .! إلين إنكساره ![/poem]









[align=center]تمّت[/align]





..