تواضع طواغيت

السلام عليكم ورحمة الله وبركاته
مساء الخير والمحبه
من الجدد .. أتمنى إنها تحوز على رضاكم



[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
حبيبتي كنها تصنّع الإيتيكيت=معْ إنها ماهي تصنّع الإيتيكيت
ذربه .. ومبتسمة عيون .. وثقيله = في وجهها رهبة . رح ! ولين . حيّيت
متبجّحه .. لكن تبجّح طفولي=متواضعه .. لكن تواضع طواغيت
طاقة سحا .. وتخاف من كل مخلوق=من خوفها ماهيب تطلع من البيت
تسمع لبو نايف !! وتقرأ قصيدي!!=وتلومني !! لا قالت اقلط وعيّيت
ماتدري إنها كلّ ماقالت ( إقلط )= أسكت والى مني تكلمت .. ونّيت
تشفق علي لكن وصلها شفاقه=وأشفق عليها بس لا رحت .. رديت
ودي أجيها .. بس ماأقدر أجيها=يمنعني من عيونها العقل والصيت
شفاقه .. وحب الشفاقه حقيقي=لو ينقده ساذج فمجلس سرابيت
الحب ذا !! خلاّها تكتب قصايد=مع إنها ماهيب توزن ولا بيت
والحب ذا !! كنت آتمناه مبطي=والله عطاني ضعف ماآنا تمنّيت
أحبها حب بدويٍ لذوده=وتحبني حب .. الفراشات للّيت
من غير ماأعلّم ولاهي تعلّم=الكل منّا رااايح بعاشقه .. تيت
يعني لو إتوفيت قبل القصيده=محدٍ درا إني أحب ! وتوفيت
بس الفراق اللي حصل غصب عنّا = هو اللي خلاني أقول إني حبّيت
الشوق حاصرني .. ونبّش جروحي=وخلاني أزفر ويش بالصدر كنّيت
قفّت وقالت يمكن أرجع فديتك=وكبرت وآنا في مكاني .. وقفّيت
قفّت .. تعذّر كانها أخطت بحقي=وقفّيت وآناآقول .. آسف إذا أخطيت
والله ما تنسا لو إنها تناسا=ووالله ماأنساها لو إني تناسيت
ياااعصر كبدي لا طرالي وجهها=وياشب قلبي شب .. فاين بكبريت
الى تبسّم وجهها في خيالي=غمظت من حُر إشتياقي .. وصديت
ياليتني أقدر أقبّل عيوني=لأنها بعيوني كل ماأصبحت وأمسيت
لكن عزاي الصوره اللي فبوكي=حطيتها في جيب بوكي وسجيت
صوره لها يوم إنها عند إبلهم= مصوّره بشماغٍ أحمر .. وجاكيت
أشوفها .. وآشب وآشب وآشب = تقول . كني ضو دوّه وهي زيت
من يوم ماقفّت وأنا ميّت إحساس=ساكت . ماكنّ إحساسي من الحزن ميت
مالومني لاصرت ضايع مشاعر=وإذا هربت من المشاعر .. وحنيت
ماهي تبعدها مزوح التسيجاج=ولا تقربها كبار التناهيت[/poem]