لايأس مع الحياه .....!!

بسم الله

00000

000

0

[poem=font="Simplified Arabic,6,black,bold,normal" bkcolor="transparent" bkimage="backgrounds/15.gif" border="double,4,gray" type=2 line=1 align=center use=ex num="0,black"]

يجاذبْني على المسرى هوايه والدروب طوال = ونفسي ماتبا والنفس منهيّه وماموره
وانا لن عشت اطوّعها وانوّخ للحمول جمال = واشوت الهم شوت اللي يشوت برجله الكوره
يقولون الرجال الياس لامن دَبْ فالرجال = يجَرّعْه المرار وتنْشَب اللقمه بحنجوره
وانا ماني بيائس من هطول الماطر الهمّال = لوانِّ ضْلوع صدري من جديد الجرح مذعوره
واذا حظّي قصر دون اجمل احلام الحياه ومال = أبا افتح للأمل باب التفاؤل وابني جسوره
والا منّي سمعت اللي يقول انّ الحمول ثقال = تثاقلها متن غيري ومتني قال مقدوره
ثمانِ سْنين عشت بْها مابين الحل والترحال = جبرت كْسور ناسِ كْسورها ماهي بمجبوره
وحاربت الفشل حتّى تخرّج من يدي أجيال = تِذاكَرْني وفعْل الطيبه فالناس مذكوره
والا ياصاحبي ياللي تغنّي للحزن موّال = عليش تْجدّد الجرح القديم وتنبش قبوره؟
اناماودّي انّ الحزن يلقاله معك مدخال = ويسْلِب من معاليقك فَرَحْك وينْطفي نوره
ولاودّي اشوفك عقب هذا العمر ضايق بال = واضيق لضيقتك والوقت يجلدنا بباكوره
وعلى الله تنفرج ياصاحبي ويحلّها الحلاّل = وتصبح مجدبات البيد عقب الجدب ممطوره
فلاتيئس لأن اليأس لامن دَبْ فالرجال = يجَرّعْه المرار وتنْشَب اللقمه بحنجوره[/poem]