الذكـرى .. وطاريـها !!

\

صباح / مساء .. الخيرات اعضاء وزوار المرقاب

اضع هذه المتواضعه بين ايديكم .. وهي حسب طلب اخوي الشاعر نواف نايف

يقول :


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
سولف وخل الذنوب اسبابها اسماعي = خل السوالف تسلي سمع موحيها
معسول حكيك يخفف عني اوجاعي = بعض السوالف يعل القلب راعيها
ايّوه قلبي عليك اليوم ملتاعي = هاذي قصيده وغناها مغنيها
يا دوب جاء للقصيده عندنا داعي = يا دمعةٍ بالعيون ولا اقدر ابكيها
يا صيف قلبي ومشتايه ومرباعي = يا نور عيني وعيني ساكنٍ فيها
الليل كله على شانك وانا واعي = والصبح اسولف عن الذكرى وطاريها
ياللي خضوعك خضوع الطايف الساعي = وياللي شموخك كما الطايف واهاليها
وياللي حضورك عزاء في دمعة الناعي = ولحظة غيابي دموعي من يعزيها
وياللي جمالك يسبب طق الاصباعي = بالصاله اللي هطول الغيث يحييها
مشتاق شوق الغريب لشوفة الساعي = اللي حياته سنين البعد تطويها
بالله سولف وفل بنورك شراعي = طلتك قامت تمد الماء لشاطيها
واضحك وخل الشهد من فيك نباعي = ضحكتك تمشي مع عروقي وتسقيها
العام قلبي على سكتك منصاعي = واقدام رجلي على شارعك محفيها
واليوم مرتاح والدنياء تمتاعي = من يوم جيتك وشفت احلى لياليها[/poem]


\