غضب الامبراطور

صلوا على النبي
،
،
،
،
،



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من منطلق ماقره المنطق وعـارض الاقتنـاع=في عصر تحكمه المصالح برفع الصوت واقول
مابين تاييد الضميـر ورفـع رايـة الامتنـاع=جدال مابين العواطف تبتلـش معهـا العقـول
لكن مصير الحق يضهر غصب والعلم انتفـاع=والوقت هذا ينكر المبدا ويجهل فـي الاصـول
ياكثر ما ضاقت علي والسبـه علـوم تشـاع=ياسعى بها عقـل بليـد غـرره شلـة خبـول
سلام ياحرف القصيد وفكـري بحـال اتسـاع=بلغ عصابات الـردى الاسئلـه تبغـى حلـول
من لم يكن سبع ترى يصبح ضحيـه للسبـاع=واللي زرع فوق الحصى لاينتظر منه محصـول
الزيف حان له الهبوط وحان للصـدق ارتفـاع=اسمع لجلجلة السيوف وقبـع درهـام الذلـول
بنت الاصاله وانتخت من غبنها ترمي القنـاع=وانا اعتزيت لها غضب واسرجت للنصرة خيول
واعلنت حربي وشلة التهريج في حالـة نـزاع=من بعد ماسمعوا قصيد ينـذر بقـرع الطبـول
والدرب يكسيه الظلام ولامـع الراحـل متـاع=الا سـلاح الفكـر يفتـك بالملـوم والعـذول
نعم قصيـد مـا يعـرف الـذل لابالله شجـاع=الا يسوق المجـرم لرمـز العدالـه والمثـول
امام قاض لاحكم حكمه ولـو يقسـى مطـاع=وصارم ليامنه حكم ماله عن احكامـه عـدول
ياما عطى الفرصه ولكن مل ماعـاد استطـاع=يصبر على شيء يخلي الفكر في حالـة ذبـول
الامبراطور وغضب واسقط شعـارات الخـداع=يعني انقلاب وغربلة دستور واقصـاء الميـول
وتفعيل قانون انتخاب الملك باصـوات اقتـراع=واللي يبي ياقف بوجه النـار لاشـك مهبـول
اليوم هبت من جنوب وغيرت وجهـة شـراع=مركب قصيد مل من مرفاه لـه عـدة فصـول
اول قرارته صدر بالامـر فـي عقـد اجتمـاع=والصدق مبدا الاجتماع ومنكر الصدق مخـذول
وختام هذا الاجتماع النور يبـدا مـن شعـاع=بيان رفض الانقياد ورفض اصـوات الخجـول
لاعاش راس منحني لاعـاش نهـج الاتبـاع=لاعاش صوت ماصداه يرج في عرض وطـول
ياطير ياطير الحـرار اللـي مخاوينـك جيـاع=والصيد وافر وانت طبعك ماتصيد الا الجفـول
هديتك وجول الحبـاري منـه عيونـي شبـاع=اشلع وفرق جولها واختار لي من كـل جـول
ادم المخالب مـن التبيعـه والثنيـه والربـاع=طبعك واعرفه من زمن ماضي ولايمكن يـزول
صيدك هديه جود تكسب من هل الفكر انطبـاع=مده فخر ياطير فكري حـق لا ماهـو فضـول
وانت الخوي اللي ليامن ضاق محور الاتسـاع=اشهر صقيل من نظر في حده يصيبـه ذهـول
ياصاحبي هاك الخبر موثوق فاعطه الاستمـاع=وبلغ تحياتي وصلى الله على وجـه الرسـول
[/poem]