<>*<>المـدينه والصحـاري<>*<>

السلام عليكم ورحمة الله وبركاته


مـســـائـكـم ورد




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غن ياقلبٍ ملاه الشوق والشاعر خيال = ينسج أفكاره من الواقع ولا فيها جدال
يايجيب من الدرر..والجوهر الغالي النفيس = أو يصنف من ذوي..يالال يالاله يالال
وأنت يافكري تولم زين وأقلع في سلام = وأرق هامات السحاب وحول بكل الجزال
راكب اللي ما مسك طارته محدود الرصيد = وما قناه اللي على صاحبه يشكي عسر حال
أسود ٍ يغويك باأوصافه.. وينتابك ذهول = لاعرض لك من سواده يختفي معه الظلال
أن وقف ما كنه ألا الزير قدام الجموع = وأن مشى ما كنه ألا الهرش في وسط الجمال
فالمدينه يخطف الأنظار...ويكسر رقاب = تعشقه عين الصبايا وتعشقه عين الرجال
وفالصحاري يقطع البيدى مع كل اتجاه = ما تعرقله السهول ولا الطعوس ولا الجبال
كن صدى حسه صرير الريح لامرك صداه = فيه من ضرب الجنون وفيه من ضرب الخيال
صانعه من كثر ما أبدع به وفاق المستحيل = يوم كرر فيه بالنظرات جا عقله هبال
وارد اللكزس ولايحتاج يمكن وأحتمال = شاشته كالسينما بالنور وأنواع الخصال
لا طرى لي ماطرى لي وستضاقت بي الدروب = أزهمه وأدق له سلفه وأعرضه الشمال
صوب دار عيال يام ملينة راس العنيد = لابة ٍ يركع لها التاريخ تقدير وجلال
وأتمشى في فياض ٍ تنعش القلب الحزين = خص لامن مالت الشمس وتنحت لزوال
والله أنها لحظة ٍ ما مثلها عندي مثيل = والله أنها لمن فقد غالي سريعة الأشتعال
سجة ٍ فالبر تسوى... عندي الشي الكثير = في عيوني مايوازيها جنيه ولا ريال
أبتعد عن هرجة النمام.. وأزعاج البلاد = عند ذود ٍ مايضويها..ضعيف راس مال
والله أنها ونسة ٍ للي يدور للونيس = والله أنها عكضة ٍ للحال في كل الحوال
قالها اللي يوم شرف والتفت حزة عصير = جا على باله سوال ولا لقى رد السوال[/poem]