في صدري علوم وراء راسي علوم

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
قصيده موجهه للاخ / سلطان مسلط الذيابي =

سلطان عندي يابيض الوجه معزوم = في نجد لك عندي كرامة معزه

وتراك في مشرع ليا جيت ملزوم = مانحرص الافوق منهو نعزه

مانقبل اهل الكبر والشتم والزوم = للي ليا غاب المقفي تدزه

سلطان لد العين في كل مرسوم = قبل العلم فى الضلع الاقصى ترزه

ماقول شوش وحارب الفرس والروم = ولاطلع اسرائيل من وسط غزه

يابناخي منجي خويه من القوم = وسفر جبل ماكل شيٍ يهزه

في صدري علوم وراء راسي علوم = والشرق الاوسط حسب الاحداث جزه

احدٍ ذكي فيه وحدٍ غشه النوم = ومن غشه النوم مع الايام عزه

مرحوم ياعودٍ بنى العز مرحوم = قامت هبوب الريح تلعب بعزه

لكن ياسلطان تراك معزوم = في نجد ماهو يم حيفا وغزه


رد الاخ / سلطان =

ياللي عزمت ودونك جبال وحزوم = ورياض نجد بعزكم مستعزه

معزتك تزداد يومٍ بعد يوم = يامرحبا وهلين في كل حزه

تراك عندي يابيض الوجه محشوم = وشوفتك اخير من السفر والتنزه

مانختلف فالسوق والبيع والسوم = جنبن متين ومن يداحم نكزه

لايغرك الحاقد وبو فكر مسموم = لوكان شخصيه وشاعر ورزه

فكرت فى الماضي وفي عصرنا اليوم = والعارف اكسب خبرته ما ستفزه

وانا ترى ماني من العرف محروم = واعرف رفيقي بالنظر قبل اقزه

ومن كثر تفكيري جفا عيني النوم = واخذت للي من ضيقة البال حزه

عرفت منه خاطره دوم مشؤوم = تصير نفسه للعرب مشمئزه[/poem]