ســــواد الــحــزن

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="ridge,5,black" type=2 line=0 align=center use=ex num="0,black"]
الاياغصن جيتك واكتسيت من الدموع دموع=
=يساقيها عظيم الحزن فال الله ولافاله
ألا ياغصن قلبي عند جذعك ثابت ٍ مزروع=
=يتل النفس يمك لو تنوع و يترك أشغاله
أجي لك ياغصن من حر مابي ضايق ٍ مدفوع=
=وأضمك من تباريح الحزن وأتخيل اقباله
قبل عدة سنين أضفت عليك الغالية ينبوع=
=تبيك اتزين بلونك مداهيله ومنزاله
حسافة ماخذت مع رفقتك ياغضن غير سبوع=
=وماتت.. ثم جتني غارة الامرار منهاله
دفنته وانكسر من روعتي ياحمود عظم الكوع=
=يواسيني بعد مافارقتني عمه وخاله
تركته والهموم المنهكات تلوع قلبي لوع=
=بكت من حالتي سجادته مع فيضة اطلاله
من افراقه توشحت السهاد وشلت حزن وروع=
=وصار الدمع وهج الروح وألا الحال يرثى له
الملم مابقى من خافق ٍ من غيبته مفجوع=
=من همومه على أفراح القرايب صاير ٍ عاله
إذا هاضت بي الذكرى وهزت خافق ٍ مصروع=
=اروح لثوبها البالي واشمه والثم اجلاله
الاياغايبة طفيت من فرقاك سبع شموع=
=ومات السعد في عين الحزين وذاب تمثاله
تغشاه الحزن والا الفرح من خافقه منزوع=
=معه يرحل وينزل يكتسي حله وترحاله
ازور القبر لامني ذكرتك والرجى مقطوع=
=وتطيح الدمعة اللي نشّفت ريقي على جاله
وأيهم من المآسي وأتصبر وانتهض وانوع=
=أكابد ماضي الحسرة وجرم الوقت واعماله
اشوفك في سطور الدين يزهى بك كذا موضوع=
=عظيمة يحتفي بك من ترجَـى فزعة عياله
ألا يارب ترحم من غلاها بالحشى مطبوع=
=ألا يالله يارب الخلايق تلطف بحاله
تقبل دعوتي ياكاسي صروح الجبال زروع=
=رجيتك تنتشلها من عذاب الحشر واهواله
ألا يالله تقبل دعوة اللي خافقه مهلوع=
=يروعه من كثر كبوة زمانه شوفة اظلاله[/poem]