N-70

بسم الله الرحمن الرحيم


بويتات اتمني انا تتقبلوها بصدر رحب




[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

يازين ياللي شايلن ان سبعين=اتطلّعه من شنطتك لي لعانه
في ذمتى يابنت لو كان تدرين= يمكن تخلين البديوي مكانه
عنيد سبعه اخذه قبل عامين= وفي راس كل سبوع يبغى صيانه
مشهور انا ويااه عند الفلبين=كلّن ينادي صاحبه جاك.. عانه
شاريه كاش بحول خمس وثمانين=من واحدن جابه بليا ضماانه
جوال كايف بس عيبه بثنتين=ارقامه تفوّت وزايد جنانه
احيان تطلع شاته عمد لونين= وحيان لاوالله ذهين وتكانه
ومره بدون ابراج يضل يومين=تقول مابينه وبيني مياانه
والموت لا جتني فوتيره الشين=يبطون ماسددت ويقطع لسانه
مشاركن في ثروتي هالوراعين=وجيب فيه العيد قبل رمضانه
ون قاله الله جبت خمسه وتسعين=يجذبك وسط السوق زين لمعانه
صحيح سعره واصلن حول الالفين=والفين ماهي شي قيمة لبانه
ماقدره حضر بس بشريه بالدين=واحط نكي فيه ((فلتة زمانه))
ويصير بدل رد فالسوق ردين=والنغمه اللي فيه ((يالبرتكانه))
عشان لا شفتيه معْيَه تردين=ويصير عندي للمغازل حصااانه
وعنيد سبعه بحفظه داخل العين= عشان مثلي مايحب الخيانه[/poem]