قصيده ورد

[align=center]قصيـده لـلاخ ناصر سـعـد السهـلـي والرد عـلـيــهــا[/align]

[align=center]-----------------------------------------[/align]


[poem=font="Simplified Arabic,6,blue,bold,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
مـســودة التـحـريـر تـكـتـب طـبـاعـه = ويوضع تحت عاجل من الحرص خطين
وترسل على اللي في ردوده براعـه = الـلـي لاجــاه الـخـط مـاقـال بعـديـن
بـعــد الـســلام ونــشــدةٍ للـجـمـاعـه = اشكـي لـه اهمـومٍ شكوهـا سلاطيـن
هــمٍ هـجـم بالـقـلـب حـطــم دفـاعــه = سـوات مـاجـد حـطـم الـسـور للصـيـن
هـمٍ سـطـى بالقـلـب والـشـوق لاعــه = واجــر مـوّالـي عـلـى نـغــم لحـنـيـن
لـحـن عـلـى عـــزاه لـحـظـة وداعـــه = ولحن علـى الذكـرى ياليـل المحبيـن
عـلــى ولـيــفً يـــوم جـهّــز مـتـاعـه = اتلـى العهـد اعصيـر والليـل سـاريـن
لا شــك يامحـمـد ولــو غــاب سـاعـه = كنّـه غيابـه عـن عيونـي لـه اسنـيـن
يوميـن غـايـب نـاويـن لــي قطـاعـه = ماهـز فـي قلبـه غــلا ادعــج العـيـن
اللـي حـصـل لــي مــا لطـبّـه منـاعـه = واكـيـد بـاقـي دام هـالـنـاس حـيـيـن
الحـال يسـعـد للـعـدو فــي سمـاعـه = حـالاً كمـا حـال المـعـذب مــن الـديـن
يــا بــو عـتـب الـخـل زيـنـه طـبـاعـه = من ساس ناسً عرقهـا بالثـرى امتيـن
ومـن سـار فـي الغبّـه يجـوّد شراعـه = ولاّ حـيـاتـه حـطـهـا بـيــن قـوسـيـن
الذيـب يوصـف بالـذكـاء والشجـاعـه = وإلا الـرخـامـه حـدّهــا بــيّــنً ويــــن[/poem]




[align=center]والــرد عـلــى قـصــيـدة نــاصـــر[/align]


[align=center]-------------------[/align]


[poem=font="Simplified Arabic,6,blue,bold,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
جتنـي رسالـه . قلـت سـمـعٍ وطـاعـه = من شاعرً قدره علـى الـراس والعيـن
يامـرحـبـا بـالـلـي دمــــاثً طـبـاعــه = إعـداد مـن طـاف الـحـرم و المصلـيـن
مضمونـهـا نــار الـهـوى و التـيـاعـه = تثـور فـي صـدره ســوات البراكـيـن
تشـوي محانـي خافقـه مــع ظـلاعـه = ليـن ارتحـل لبعيـد ضمـن المهاويـيـن
اسـبـاب صــد الـزيـن والهـجـر راعــه = مجروح في وسط الحشا هم جرحيـن
جـرح الـزمـان وجــرح هــم الـوداعـه = وجــروح قلـبـه ساكـنـه بالشرايـيـن
ياللـي شكيـت الـحـب والـخـل بـاعـه = هـذي همـوم الـحـب والـنـاس داريــن
وان كـــان حـبــه زارع لـــه زراعــــه = بوسـط قلبـك تجنـي اثـمـاره امنـيـن
خـلـه يقـفـي مالـكـم فـــي رجـاعــه = خذهـا نصيحـه خــل طــرد المقفّيـيـن
محسوب عاشـق وان حسبهـا قناعـه = كـنــزً لايـفـنــى واضــــحً للمـلـمـيـن
عيـن العـقـل دايــم بـشـور الجمـاعـه = قـــولً صـحـيـح مـثـبـتً بالـبـراهـيـن
وان جــار وقـتـك مـاوراهـا طـمـاعـه = تصيـر بـيـن الـنـاس ضـمـن المجانـيـن
الوصـف يكفـى الذيـب سـد المجـاعـه = يكفيـه يقنـب لابـغـى شــي ذالحـيـن
يـجـيـك رد الـقــاف رافــــع ذراعــــه = مـن هاجـسً يجـلـي هـمـوم المحبـيـن
يحـمـل مـعـانـي وافـيّــه بانـدفـاعـه = فـي قـوة الاحـرار سـرع الشياهـيـن
احــروف قــافً بـاركــه بانخـضـاعـه = تبـرك علـى صـدر الـورق بالـدواويـن[/poem]
[align=center]محمد مرزوق السميري[/align]