جنــــون

موقف طريف



كانت تجي اتصالات على الثابت تسأل عن شخص بإسم ( فلان الفلاني )
اتصالات كثيره وكلهم يطلبون نفس الشخص وكل مره نقول ( النمرة غلط )
لفضولي اخذت دليل الهاتف .. وهات يا بحث .. ادور الاسم لين حصلته
وكان فعلا نفس الرقم >>> الظاهر ماسدد الفواتير وطار عليه
ولاحظت ان الشخص هذا له رقمين قلت في بالي الظاهر متزوج حرمتين

المهم

مرت الايام .. ورن التليفون ولحسن الحظ انا اللي رديت ..
كلمني رجال كبير في السن .. يطلب ( فلان ما غيره ) قلت له النمره غلط ..
ما فهمني .. قال انا جاي من الديره ولا ادري وين اروح ..
السياره حطتني بالشارع الفلاني ..كلموه خلوه يجي ياخذني
وكررت عليه ( قلت له النمره غلط )
حاس مو عارف ويش يسوي .. قال ما اعرف الا هذا الرقم ..
حزنت عليه وتذكرت الدليل والرقم الثاني
وقلت بكل ثقه كلمه على الرقم الثاني
قال يابنتي ما اعرفه .. عطينيه

طبعا تعاطفا مع الموقف وعشان كلمة ( يابنتي )
رحت اجيب الدليل وافتش افتش افتش لين حصلته
واعطيته الرقم .. وانتهى الموقف



لكن جلست اضحك الرجال راح وهو مايدري انه غلطان ههههههههههههههههههه


ومن بعدها اي احد يتصل نقول كلمه على الرقم الثاني