مايرسـمه بيكـاسـو !!

[align=center]قصِيدة لاترقى للقصيدة آمل ان تحوز على القليل من الرضى [/align]


[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الهاجس اللي غثني مقعاده = البارحة جاني على ميعاده
يحس فيني لابغيت اشوفه =يقوم لوهو هاجع ٍ برقاده
جاني مثل مزن تحدر نوه = تتزلزل القيعان من رعاده
اشعلت ناري بالورق واشعلني = ياناري اللي بالحشا وقاده
اطفيت نيران الورق من عيني = سيلت سينه واختلط مع صاده
الشعر ماهو قافية مكتوبة = الشعر يعني حس يانقاده
ان كان شعرك مايجيب شعورك = ياليت تركك للشعر تعتاده
وليا بغيت الشعر مع قيفانه = جزل القصيد بمقضبي وزناده
ياشيب راسي والزمان اعجوبه = الرابضة قامت ثغث اجواده
الغرب نيرانه تشب بشرقه = وشعيل عيا لايشيل شداده
والجو متكدر ولاهو صافي = جو العرب مبطي عليه حداده
تاريخنا يبكي ويرثي حاله = هارون مات وضيعت بغداده
لكن مصير الوقت يصفي جوه = وتاريخنا يرجع على ميلاده
ابترك الواقع وبدخل جوّي = واذكر حبيب ٍ بالحشا مقعاده
تمكنت من خافقي وارتاحت = وانا بليت بحبها بزياده
اللي حلاها زايد ٍ بوصوفه = وكل الحلا منها يجيه اسناده
فلقة قمر درة بحر من مثلها = يخضع لها كل الحلا واسياده
من نورها ينور جسدها كله =تنظم من النور المنير قلاده
كن الشفق بخدودها لاحمرت = يرسم على خد الضيا مشهاده
لو ينرسم مايرسمه بيكاسو = ماينرسم بالرسم يارواده
اللي دمرني نظرة ٍ من عينه = لين ٍ قلبي صار ضمن بلاده
رموش عينه لاكسرها عينه =سيف ٍ مسلت مايعرف غماده
احتل فكري دون جيش وقوة = وليا صدر يرجع على ميراده
محبوب قلبي والحبايب دونه =المترف الرعبوب ياحساده
لاشفتها تنزاح ضيقة صدري = تتبدد الضيقة بشوف اعياده
لو يطري بقلبي مجرد طاري = أنسى حبيبي واستحل بعاده
يطري عليه بيت شعر ٍ فايت = بيت ٍ لابن زيدون في ولاده
( ودع حبيب ٍ ودعك ) ثم ودعك = ( من سره ما استودعك ) بابعاده [/poem]


[align=center]وسلامة كل من يقرأ[/align]