بعيش في رجواك بأسم التفائل

متواضعه للتواصل


ارجو قبولها وتقبلها


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

لاتـنهر السائل اذا جاك سائل = اما عطه والا تعذر له بلين
قلبي على بابك وعاف البدائل = يتيم ومشرد وضايع (مسيكين)
طفلاً يتيم ولا رضى اي عائل = الا انت يامالك غرامه من سنين
يرجي حنانك يامليح الخصائل = لا تنهره لاتنهره واجب الدين
اما عطه واكسب ثواب وجمائل = والا اوعده بالوصل لو كان بعدين
يعيش في رجواك بأسم التفائل = ولا يشوف الا انت بين المحبين
الناس واجد والفرائد قلائل = وانته ملكت الزين ياكامل الزين
حاولت اعدل الحظ والحظ مائل = حاولت وصلك وابعدك نازح البين
بالطيب بالحيله بشتى الوسائل = بالشعر وحروفه ولحن المغنين
وان كان تبغى للمحبه دلائل = اصبر وخذ مني جميع البراهين
ارسيت حبك بين عوج نحائل = وسط الضلوع ومشهدك داخل العين
ارسى على قلبي من جبال حائل = هذا غرامي وانتظر ردك الحين [/poem]



اخوكم عبدالله العصيمي



.