الحجز الانفرادي

سلام عليكم

صلوا على النبي



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]



الهاجس الليله تحدر عرمرم=غشي الجبال العاليه والوهادي
جاني فصيح لسان ماجا يتمتم=متفلت من حجزه الانفرادي
ياكل من ميقاتهم في يلملم=من غير نقص في بقية بلادي
الشعر في بو ظبي جرحه تسمسم=وزاد البلا تشخيصهم الاقتصادي
جاهم نديب ديارنا والتهمهم=بأبياته اللي مثل ضرب الهنادي
قالوله انت الشعر عندك ترمرم=والاخر يدله وهو عنه غادي
فضيحة يا كبرها ما تدم دم=ينعت شعاع الشمس بابو السوادي
ياكم سمعنا من الظلايم وكم كم=لكن بعد هدي فلا به جدادي
حتى الخبل منها لراسه يضمضم=ويلعن جهاز التلفزه والروادي
من بعدها البيرق نتيجة وهمهم=نجاسة منها تصان الايادي
وان صار به خشم لخزيه تشمشم=يارب ظفر فيه قوة الاعادي
لالاولن من بعد لالا ولم لم=لم تخدمون الشعر هدا الوكادي
يا منقض جروحه وش اللي تلملم=اجمع دراهم بس خلك حيادي
طلبه ونبغى بعدها منك تم تم=اترك سبيل الشعر لأهل المبادي
ياناصر ازعل لو هي بدار زمزم=وفي غيرها كل التهاويل عادي
والله ما ينقدك بياع سمسم=ولايخبى الجمر تحت الرمادي
تبختر بكوثر بحورك ودم دم=دم للثقافات العريقه ريادي[/poem]