كل عاقل يعتبر من سالفة بيّومي

أحبتي في منتدى المرقاب الراقي
السلام عليكم ورحمة الله وبركاته وبعد
موضوع هذه الأبيات المتواضعه يدور حول قصّة رواها لنا الراوي المعروف : محمد الشرهان
يقول فيها إن أحد أصحاب المزارع إستقدم عامل من مصر صعيدي إسمه ( بيّومي )
وبيّومي هذا يدّعي إنه معلّم في الزراعه ويعرف يرقا النخل
أوّل نخلة رقاها ماقدر ينزل وقام يصيح .


[poem=font="Simplified Arabic,6,blue,normal,normal" bkcolor="transparent" bkimage="backgrounds/19.gif" border="double,4,darkblue" type=2 line=0 align=center use=ex num="0,black"]
يابن آدم مالك إلاّ رزقك المقسومي=تقصر الخطوات وإلاّ تسبق الخيّاله

لاتويق الضّلع لو إنك قوي عزومي=لين تحسب قبل مطلاعه خطر منزاله

لاتخوض البحر لو إنك تعرف تعومي=كان ما تضمن رجوعك لوتغيّر حاله

كل عاقل يعتبر من سالفة بيّومي=ماحسب طول النخل من قبل مايرقاله

يوم شاف العج ثوّر والشجاري تومي=صاح باعلى صوت :جاني الموت يارجّاله

الشجاعه في معانيها حسب مفهومي=لاتخاف الموت وإن عدّاك لاتسعى له

لالقيت اللي يبابي مثل ديك الرومي=لاتحرّا طرقته خلّه يروح لحاله

الشرود إن شاف فرّاعه يصير اهجومي=وانت لوتلقاه تأخذ غترته وعقاله[/poem]
وسلامتكم